#اسكريبت #البنات_ألطف_الكائنات #فاطيما_يوسف
والنادي ممنوع والصحاب ممنوعة وكل الرفاهيات ممنوعة علشان تلحقي الصغيرين إللي لاحول ولا قوة ليهم دول قبل مايضيعوا في خبر كان ونقعد نندم .
كانت بتحرك راسها بموافقة علي كل كلمة حماتها بتقولها من غير ماتنطق ،
وأول ما الأستاذ خلص خدتهم وجريت بيهم علي فوق وحضنتهم وقعدت تعيط عليهم واتقهرت من إللي سمعته من سلفتها ، وصممت في نفسها تلحقهم وتخلي بالها منهم وتعدل من حياتها وأسلوبها في كل حاجة وقررت تعتذر لسلفتها علي غشوميتها معاها علطول وحقدها وغلها وقررت كمان تعتبرها زي أختها وتاخد مشورتها في كل حاجة علشان تنقذ ولادها التوأم من الهلاك والضياع،
وفعلاً عملت كده تاني يوم علطول وسلفتها بنت أصول وبنت ناس قبلت اعتذارها بقلب كبير وقررت تقف جمبها ويساندوا بعض ،
ومرت الايام والشهور وهيا واخدة بالها من ولادها وحاطاهم تحت ميكروسكوب عينيها ومبتغفلش عنهم أبداً وسعت في صلاح ولادها وطالما الإنسان بيسعي أكيد رب العباد بيسعي معاه .
وبعد سنين كتيره مرت عليهم النهاردة تخرج الدكتورة روان بتقدير ممتاز في كلية الطب العسكري وكلهم حواليها والفرحة مش سايعاهم ، وهتكمل حلمها علشان توصل للقب “رقيب دكتور روان المصري”
وأختها التانية دخلت كلية الهندسة علشان حلمها تبقي مهندسة وفي السنة التالته ليها ،
وأختهم التالته لسة شهادتها الثانوية باينة ودي كانت أدبي وجابت ١٠٢٪ وقررت تدخل كلية سياسة واقتصاد علشان تحقق حلمها وتبقي سفيرة عظيمة لبلدها .
والرابعة إن شاء مش هتفرق عن أخواتها وهتبقي زيهم ودي بقي نفسها تبقي دكتورة أطفال لأنها بتحبهم جداً .
أما عمر وزياد التوأم ربنا كرمهم واحد دخل كلية الحربية وبقي ظابط في الحربية ،
والتاني اجتهد في كلية التجارة واتعين في بنك كبير علشان تقديره كان أول الدفعة وكان طبعاً هيبقي معيد بس هو قرر يشتغل في البنك من وجهة نظره فرصة أحسن .
وتبقي كدة خلصت حكايتنا الصغنونة بوجعها وألمها وصبرها وجبرها ،
الحقد عمره مابينفع واننا نجرح غيرنا أو نبص له في رزقه وفي ولاده وفي صحته وشايفينه أحسن مننا في كل حاجة ، ده يبقي غلط واكبر غلط ربنا مدي كل إنسان حقه كامل مكمل ٢٤ قيراط فيه شخص رزقه حبة فلوس زيادة ، وفي واحد تاني رزقه حبة صحة زيادة ، وفي واحد تاني رزقه بنون ،