#اسكريبت #البنات_ألطف_الكائنات #فاطيما_يوسف
عجبا لك تلك المجتمع وعجبا لكم تلك العقول الفارغة .
راحت حماتها قايلة لها بقهر :
_ كنتي فين وابنك بيشرب سجاير وهو في السن ده ؟
إنتي أصلا عايشة حياتك مع ولادك بتعملي إيه ولازمتك إيه لما هما ساقطين وفاشلين وصايعين ،
أبوهم بيسافر ويرجع وسايبهم أمانة في رقبتك وأنتي ولا إنتي هنا ،
وقامت مرة واحدة وهددتها بوعيد وحزم وكملت :
_ طالما بقي ملكيش لازمة ولا دور نافع في حياة ولادك أنا أجوزه واحدة تربيهم وتاخد بالها منهم وأنتي سبيكي من المسؤلية إللي إنتي مش قدها دي .
انتفضت التانية وردت بسرعة وقالت لها بقوة:
_ تجوزي مين ياحاجة وايه الكلام إللي إنتي بتقوليه ده اشحال مكنتيش بتدلعي وتهنني وتطبطبي معايا ،
وعمرك ماقلتي لي كده غلط وكدة صح ،
وكملت باستنكار وحدة:
_ مين دي إللي تجبيها تربي ولادي وأنا أمهم لسة عايشة علي وش الدنيا ،
هيا بيعة وشروة ولا إيه.
حماتها زعقت فيها لأول مرة وعلت صوتها عليها وقالت لها كلام يوجع علشان تفوقها قبل ولادها مايضيعوا وقالت لها:
_ فوقي يا هانم قبل ولادك مايضيعوا فوقي قبل ما يفوت الأوان ومنعرفش نلحق الباقي من حياتهم ،
ركزي مع ولادك لو واحد فيهم جراله حاجة هتنكسري وهتموتي وراه بالحيا .
هنا التانية قلبها انقبض لما سمعت الكلام ده مهما كان هيا أم والأم عمرها ماتشوف ولادها بيضيعوا ومتفقش ،
وراحت باصة لحماتها وقالت بصوت مهزوز:
_ يارب يخليكي ياحاجة ماتجيبي سيرة لأبوهم ده يطلقني فيها ومن غير مايرمش له جفن وأنا أوعدك والله العظيم لا هخلي بالي منهم وهقعد لهم بالمرصاد وعمري ماههمل فيهم تاني أنا تبت واتعلمت الدرس من أوله.
بصت لها حماتها وهددتها:
_ آخر فرصة هديهالك وهتابع معاكي الولاد ومش هسيبك لوحدك ،
وكملت بوعيد وحزم:
_ بس قسماً بالله لو مانفذتي الكلام إللي قلته لك لاتشوفي وش مني عمرك ماشفتيه ،
وهقول لأبوهم علي كل حاجة وقد أعذر من أنذر ،
ولادك تنامي معاهم في نفس الأوضة ، وتفتشي هدومهم أول بأول ، تمنعي الفلوس نهائى ماياخدوش ربع جنيه ، ميخرجوش من باب البيت إلا ورجلك علي رجليهم ،
وحاجة كمان ياست هانم :
_ تعليمهم الصلاة إللي بقت فرض عليهم بتشوفيش بنات عمهم الله أكبر مش بيسيبوا فرض وماشاء الله عليهم ،