الشريدة فاطيما يوسف

_والله يا ابني تبقى عملت فيا خير ومعروف عمري ما هنساه لك العمر كله وربنا يسامحه اللي كسر قلب بنتي في يوم فرحها حسبي الله ونعم الوكيل فيه .

بلغ ابو هبه بنته واجبرها على انها لازم توافق يا اما كده هيموت بحسرته بسببها وبسبب اللي حصل وطبعا هي نهارت وما كانتش موافقه علشان خاطر  خطيبها بتحبه جدا وعمره ما عمل معاها موقف  يدل على انه مش راجل ولكن  هي في موقف دلوقتي لا تحسد عليه واضطرت انها توافق ،

وانكتب كتاب هبه ونادر واخذها وروحوا على البيت المفروض ان دي شقتها اللي كانت هتتجوز فيها جاهزه من كل شيء،

وكانت مفكره لما تروح انها يبقى عندها امل انها تلاقيه هناك او في حاجه لكن طلع اوهام فاقت منها على صوت نادر وهو بيقول لها :

_اتفضلي يا عروسه نورتي بيتك ومطرحك .

بصيت له هبه بتخوف وقالت له :

_ده نورك بعد اذنك هدخل استريح علشان تعبانه ومش قادره اشوف قدامي .

شدها من ذراعها وقال لها :

_كلام ايه اللي انت بتقوليه ده يا برنسيسه في واحده تقول لجوزها يوم فرحهم انا تعبانه وهدخل انام شكلك اتجننت في دماغك ولا انت من صدمه خطيبك اللي خلع وسابك يوم فرحك مخليه دماغك اتحولت .

شدت ذراعها بعنف وقالت له :

_لتكون مفكر ان جوازنا ده حقيقي وان انت بقى هتبقى جوزي وانا مراتك وليك حقوق عليا لا انسى انا ما فيش حد هيلمسني غير ساهر وانا امانه عندك لحد ما اعرف هو راح فين او اشوف جرى له ايه لان انا واثقه ومتاكده ان عمره ما يعمل معايا اللي حصل ده بارادته وان في حاجه قويه منعته ان هو يحضر ليله عمرنا .

ما تحملش كلامها اللي بتقوله هو شايف انها مراته مهما كانت الظروف المحاطه ومهما كانت من ساعات كانت هتبقى مرات اخوه لكن هي على اسمه دلوقتي فقال لها بغضب شديد :

_شوفي بقى من الساعه دي مش عايز اسمع سيرته تيجي على لسانك تاني ما ينفعش يا هانم يا محترمه يا بنت الناس الاصول انك تكوني متجوزه واحد ولسانك ينطق اسم واحد ثاني ايا كان مين من النهارده انت بقيتي مراتي وعلى اسمي يبقى تفوقي كده وتحترمي نفسك وتشوفي طلبات جوزك ايه .

برقت عينيها في صدمه من كلامه مش مصدقه انها بقت في كابوس وان ليله عمرها اتبدلت لجحيم هتعيش فيه وقالت له بنفس الغضب: