#اسكريبت #فتاة_الليل_بقلمي_فاطيما_يوسف
وما فيش اربع ساعات وجاء لها الطلب اللي هي طلبته وبدات تقيس الدريس وعليه الحجاب بتاعه وتصور نفسها وتقف قدام المرايه وتلف وتشوف يمين وشمال وتنبهر من شكلها الجميل وتجرب وتجرب وتجرب لحد ما لقيت نفسها قد إيه كويسين كلهم وقعدت تبص على الصور بتاعتهم ولقيت نفسها جميله جدا في الحجاب واللبس المحتشم وفورا اخذت القرار انها ترتدي الحجاب وشافت ان هي لازم تهتدي وتوصل لاول الطريق السليم ،
وارتدت سمر الحجاب وكل اللي حواليها استغربوا جدا وبقىوا يسالوها اشمعنا وهي تجاوب تقول ربنا بيهدي وبعدت تماما عن السهر وبقت تروح المركز بالنهار وبقت تجيب برامج دينيه وتسمعها وتحاول تطلع نفسها من المستنقع اللي كانت فيه واثناء ما هي قاعده في المركز في يوم اتصلت صاحبتها بيها وقالت لها :
_ازيك يا سمر عامله ايه ما كلمتنيش خالص من ساعه ما كنا مع بعض عايزه اشوفك واقابلك ايه رايك نتقابل النهارده بعد العصر في النادي .
ردت عليها سمر وقالت لها وهي مبسوطه انها هتقابلها :
_انا بخير الحمد لله ما عنديش مانع طبعا اننا نتقابل انت كمان وحشتيني ونفسي اشوفك هاجي لك ان شاء الله على العصر ونتقابل .
وفعلا خلصت شغلها وراحت على النادي على طول تقابل صاحبتها تغريد واول ما شافوا بعض بعد السلامات والتحيات قالت لها تغريد وهي ماسكه ايديها وبتلففها حوالين نفسها بفرحه :
_بسم الله ما شاء الله عليك في الحجاب يا سمر كانك ملاك نازل من السما بجد خطوه جميله جدا منك ان انت عملتيها وعن اقتناع ربنا يثبتك يا حبيبه قلبي ودايما تبقي من المستورين .
ابتسمت لها سمر وقالت لها:
_من بعض ما عندكم يا توتو انتم السابقون ونحن اللاحقون والله لولاكي بعد ربنا ما كنتش خطيت الخطوه دي لكن ادي الله وادي حكمته وادي تدابيره .
وقعدوا يتكلموا مع بعض شويه ويسالوا بعض عن امور حياتهم وخدوا وقت مع بعض لحد اما جه اخو تغريد وقال لها :
_مش يلا يا تغريد بقى علشان نروح ماما اتصلت وبتستعجلنا .
وراح باصص على سمر وقال لها تحيه السلام بكل احترام وكمل وهو بيبارك لها علي حجاب وقال لها :
_مبروك الحجاب يا انسه سمر بجد خطوه جميله جدا ربنا يثبتك عليها ويزيدك من الايمان .
شكرته سمر بامتنان لان كلامه ليها هو اللي خلاها تفكر تاخد الخطوه دي وقالت له :