#اسكريبت #فتاة_الليل_بقلمي_فاطيما_يوسف

وفورا نزلت سمر على معمل التحاليل اللي تحت المركز وعملت التحاليل واستنت لحد بالليل لما نتيجه التحاليل طلعت وريهام شافتها وقالت لها :
_تمام عندك الضغط والسكر والانيميا مظبوطين نقدر نعملها بكره ان شاء الله.

وروحت سمر على البيت وهي مرتاحه شويه من الحل اللي صاحبتها قالته لها وقررت انها ترتاح وتنام وما تخرجش علشان خاطر العمليه اللي هتعملها بكره وعدى اليوم بسلام وجت ميعاد العمليه وعملتها وباتت في المركز لحد الصبح وبلغت مامتها انها عندها شغل،

ومش هتقدر تروح والصبح روحت عادي كملت راحه في البيت وطلعت من المشكله اللي هي فيها دي بسهوله جدا،

وعدت الايام سمر خففت فيهم من الخروج شويه لحد ما تتعافي خالص وكانت قد قررت مع نفسها حاجات كثير ما تعملهاش ومن اولهم انها ما تروحش مع حد بيته تاني ،

وفي يوم كانت بتتمشى شويه في الشوارع قابلتها واحده صاحبتها من ايام الكليه هي واخوها،

نادت على سمر وقالت لها :

_سمر يا سمر .

بصيت لها سمر وشهقت بوشها شهقه جامده من المفاجاه انها شافت صاحبتها اللي كانت مقربه ليها ايام الكليه وراحت عليها جري وحضنتها وقالت لها:

_ياه ازيك يا تغريد عامله ايه وحشاني جدا جدا فينك يا بنتي سالت عليك كثير وبعت لك كثير تليفونك مقفول من بقالي سنين ما شفتكيش من ساعه تقريبا ما خلصنا الكليه .

جاوبتها تغريد بوجه بشوش :
_انا خلصت الكليه وبابا نقلنا من المكان اللي كنا فيه لمكان تاني وغيرت رقمي والنهارده كنت جايه مع اخويا كان بيقدم في الشغل وخرجت معاه المهم انت عامله ايه وحشاني جدا يا سمر .

ردت عليها سمر وهي فرحانه لان دي صاحبتها الوحيده اللي ما كانتش بتتنمر عليها وكانت شايفاها عاديه جدا:

_انا كويسه الحمد لله يا حبيبتي بس انت بسم الله ما شاء الله ارتديتي الحجاب امتى شكلك بدر منور فيه .

ردت عليها صاحبتها بابتسامه هاديه وقالت لها وهي بتبص على اخوها :

_بصراحه يا سمر اخويا له الفضل الكبير اني البس الحجاب والتزم وابقى زي ما انت شايفاني كده و نصحني اني البس الحجاب وحببني فيه وأنا لبسته بكل حب وما تتصوريش انا ارتحت فيه قد ايه .

بصيت لها سمر باعجاب وقالت لها وهي بتحفزها :

_الله جميل قوي عليك ومخليكي ملكه ومنور وشك جدا يا تغريد بجد حلو قوي قوي اوعي تخلعيه أبدا .