غصب_عني_ضعفت     بقلمي_فاطيما_يوسف

بكى معتز ولاول مره يبكي لانه فعلا حبها واتعلق بيها وقال لها وهو بيبكي :

_هنت عليكي علشان جوزك رجع وبقيتي في حضنه نسيتي معتز اللي احتواكي وقت ما كنت مش لاقيه الحنيه  ،

هنت عليكي تدوسي على قلبي ومشاعري بالطريقه دي علشان خاطر بقيت كارت محروق ومليش لازمه واللي اولى بيكي رجع وانا الدخيل اللي في حياتك اللي حبك من كل قلبه واداكي كل وقت وحنيته ترميه ورا ظهرك .

طريقته اللي كان بيتكلم بيها ودموعه كانت بتقطع في زهره وحسستها انها فعلا كانت احقر بني ادمه على وجه الارض ،

وفضلت تستسمحوا وتتحايل عليه لحد ما قال لها :

_انا هسيبك يا زهره مش هاذيكي ولا عمرك هتسمعي صوتي تاني ولا هتشوفي طيفي تاني بس قبل ما اقفل هقول لك حسبي الله ونعم الوكيل فيكي مش مسامحك ليوم الدين على قلبي اللي علقتيه وعلى وعودك ان احنا هنبقى لبعض في لحظات ضعفك .

وللأسف زهره عذاب ضميرها فوق عذاب خيانتها كل ده يتجمع فوق دماغها وحست بالشفقه وقلبها اتقطع عليه لكن هي غلطت وهو كمان غلط والاتنين لازم يفوقوا من الغلطه هي مش هتعيش مرتاحه طول عمرها علشان خاطر خانت جوزها وخانه ربها وهو مش هيعيش مرتاح علشان خاطر ما كانش ينفع يدخل لها من البدايه ولا يكلمها ،

وانطوت صفحه زهره ومعتز ما بين الصفحات الكتيره الموجوده زيهم في الدنيا وموجوده حوالينا ،

في ناس بتندم زي زهره وبترجع وفي ناس بتنخرط جوه دوامه الشهوات وفي ناس ربنا بيسترها معاهم والستر دايما محاوطهم فعلشان كده لازم نحافظ على ستر ربنا وما نضيعهوش من بين ايدينا ،

وكملت زهرة حياتها مع جوزها واولادها وهي بتحاول تتوب عن الذنب الكبير اللي ارتكبته وفعلا معتز طلع راجل وما جاش ناحيتها تاني نهائي خالص في زمن قليل فيه جدا اللي يطمعش في واحده ست وثقت فيه .

وتوته توته خلصت الحدوته
#سكريبت
#غصب_عني_ضعفت
#فاطيما_يوسف