حبيبه شاهد 4

غصون بصيت لدراعه بعتاب
: أنا اسفه اتلخمت مع بابا و نسيت دراعك خالص تعالى نشوف دكتور يشوفلك جرحك

يونس هز راسه بهدوء و مشي معاها و الدكتور خيطله جرحه.. تحت نظراتها الخافه

الدكتور
: خليك معانا هنا لحد بكرا الصبح ضغطك واطي عايز ينظبط و المحاليل تعوض الدم.. اللي نزفته

يونس هز راسه بهدوء و الدكتور خرج ، بصلها و هي واقفه قدامه و اتكلم
: ادام بتخافي اوي كدا ايه اللي خلاكي تقفي

غصون بخجل و رقه
: انت وقفت معايا كتير اوي انهارده محبتش اسيبك لوحدك

يونس فرد جسمه على السرير بتعب
: لو عايزه تروحي تطمني على والدك اتفضلي

غصون بخجل
: الف سلامه عليك هوا بس ممكن تكلم الدكتور تقوله يستنا على فلوس المستشفى لحد الصبح و الصبح و الله هتصرف في الفلوس و ادفعها لاني هخاف اخرج دلوقتي

يونس
: متشليش هم فلوس المستشفى انا متقفل بيها

غصون
: لا كتر خيرلك لحد كدا انا الصبح هتصرف و ادفع الفلوس الف سلامه مره تانيه

غصون خرجت من اوضته و راحت عند اوضة حسين والدها و هي خايفه من عمها ملقتهوش موجود دخلت الاوضه و اتنفست براحه انه مش موجود و قعدت جنب حسين و الدموع في عينيها

_ اللهم صلي وسلم وبارك على سيدنا محمد 🦋

عند رندا كانت قاعده في الاوضه قدام التسريحة بتسرح شعرها بشرود فهد دخل عليها

رندا بصتله بضيق شديد
: أنت ايه اللي رجعك تاني مش كنت مشيت

فهد قعد على طرف السرير ببرود
: انا ممشيتش روحت في حتا كنت بعذي هنا جنك و جيت

رندا حطيت المشط على التسريحه و بصتله بغـ,ـضب
: انت هتفضل هنا كتير ما ترجع بيتك و لا تشوف هتعمل ايه

فهد بص حوليه و رجع بصلها
: ما انا قاعد في بيتي برضو هو مش بيت امي يبقا بيتي

رندا بقلت حيله
: انت رجعت تاني ليه و عرفت مكاني منين

فهد بصلها في عينيها و اتكلم بصوت رجولي هادي
: انا معرفتش مكانك بس كنت محتاج امي جنبي و هوا دا اللي خلاني اجلها بس مكنتش اعرف انها مخبياكي هنا

رندا بعيون ممتلئه بالدموع
: طنط مقبلتش بالظلم و انت ظلمتني

فهد بصدق ظاهر في نظرة عينيه
: محدش اتظلم غيري كل اللي بعمله بأذي نفسي فيه انا قررت ابعد عن الشغل و كل الدوشة دي و اقعد معاكي هنا لوحدينا فتره

رندا
: صدقني مبقاش يجيب فايده انت فوقت لنفسك بس متاخر

فهد قعد تحت رجليها و حاوط بكفوفه ايديها و بصلها في عينيها و اتكلم
: مش متاخر و لا حاجه انتي بس عشان زعلانه مني و انا ميرضنيش اسيبك زعلانه هفضل معاكي لحد ما الزعل دا يروح انا مش هسيبك يا رندا و لا هسمح لأي حاجه تبعدني عنك

رندا بعصبيه
: ليه هتغصبني اعيش معاك

فهد قاطعها بهدوء
: مش هغصبك بس عشان عارف و متأكد من حبك ليا و انك متقدريش تبعدي عني و لا انا كمان اقدر تعالي نبدأ من جديد كأننا لسه بنتعرف على بعض

حسيت رندا بصدقه في الكلام و انها هتضعف قدام نظراته بعدت وشها عنه و اتكلمت بجمود
: انا مش عارفه ايه اللي جرالي انا كنت مفكره كويس و واخده الخطوه دي بس من وقت ما شوفتك و انا متردده

فهد ابتسم بحب
: شوفتي عشان تبقي تصدقيني ادام فكرتي في الموضوع يبقي لسه بتحبيني

رندا
: انا زعلانه منك اوي يا فهد و زعلي مش هيروح بسهوله سبني فتره مع نفسي و افكر

فهد قعد على ركبته و حضنها بأشتياق
: فكري و انتي في حضني
مكنتش اعرف اني مزعلك اوي كدا و انك شيله في قلبك بعد كدا الحاجه اللي تزعلك مني عرفيني عليها عشان احلها في وقتها و ميبقاش في حاجه متركمه

في شقة شمس
دخل عيسى اوضته في شقه والدتها بخوف و رعب
كانت جنه نايمه على السرير و جنبها كريمه و الاتجه التاني شمس و فتون واقفه شيله تميم و بتسكت فيه

عيسى بخوف و رعب
: في ايه مالها جنه

كريمه بصتله و اتكلمت بهدوء و هي بطمنه
: مافيش حاجه يا حبيبي هي بس من الخضه و مكلتش حاجه من امبارح تعبت

شمس بتعب مفرط
: ايه اللي بيحصل في البيت دا احنا مبنلحقش نفوق من حاجه ندخل في حاجه تانيه على طول

كريمه بحزن شمس
: اهدي يا شمس هتتعبي حرام عليكي نفسك كفايه اللي عملتيه في الدفنه

شمس بدموع
: مش قادره يا كريمه تعبت و محدش حاسس بالنار اللي في قلبي ولادي.. ولادي واحد مات.. و التاني مش عرفاله طريق يارب جيب العواقب سليمه يارب

جنه بدأت في البكاء و دفنت وشها في حضنها ، كريمه بصتلها بعتاب و قالت
: خلاص يا شمس ونبي كفايه اللي انتوا فيه انتي مش شايفه جنه و لا ولادك عاملين ازاي المفروض تمسكي نفسك علشانهم

شمس مسحت دموعها بتعب
: هاتي تميم يا فتون و روحي اعملي اي حاجه جنه تاكلها

فتون سبتلها تميم اللي نام على ايديها و خرجت من الاوضه
عيسى قعد قدامها و اتكلم بحنان
: مالك يا حبيبي حاسه بايه

جنه بصتله بصمت و هي باين على ملامحها علامات الصدمه ، عيسى شعور بالخوف اكتحمه
: جنه ردي عليا و قوليلي مالك

جنه كانت بصاله و مبتتكلمش ، ضمتها كريمه بحزن مفرطع
: سيبها يا عيسى دلوقتي هي مصدومه من اللي حصل و مبتتكلمش و لا بترد على حد

عيسى بص لـ الأرض بتعب كريمه قامت من جنبها و اخدت شمس و خرجه و قفلت الباب وراها
بصلها عيسى لاقها بصه للفراغ قعد جنبها و حضـ,ـنها بتعب و همس بنبرة صوت ضعيفه
: جنه و حياة ابوكي ردي عليا انا مش ناقص اي حاجه تحصل و مش هستحمل اشوفك و انتي بالشكل دا

حسيت بدموع على كتفها دموعها نزلت و ميلت براسها سندتها على راسه ضمها بقوة و اتكلم من وسط دموعه بصوت مبحوح و هو بيحاول ميظهرش ضعفه
: الدنيا كلها جايه عليا اوي و انا لوحدي و مش قادر اوجها رغم كل اللي عمله بس موته قطم ضهري و خلاني حاسس بالكسره

رفعت ايديها حاوطة ضهره بحنيه و اتكلمت بصوت مبحوح من فرط بكائها
: عيط يا عيسى البكاء هيخفف حتا لو جزء بسيط من الوجع.. اللي حاسس بيه

دفن وشه في حضنها و بكاء مثل الأطفال بصوت مكتوم في حضنها و هي بتربط على ضهره بحنيه و بتعيط على بكائه

في المطبخ كانت فتون بتحاول تعمل اي أكل بس مكنتش عارفه بسبب أعصابها وقفت في نص المطبخ و حطين ايديها على عينيها و هي بتنظم انفسها
حسيت بجمال بيسند راسه على كتفها بتعب و همس
: مالك

فتون شالت ايديها من على عينيها و خافت تتحرك علشانه
: خالتي شمس طلبت مني اعمل أكل لجنه بس اعصابي تعبانه و مش عارفه اعمل حاجه

جمال بحنيه
: اهدي و متعمليش حاجه و اخرجي ارتاحي هطلب اكل جاهز من برا اكيد انتي كمان مكلتيش حاجه من امبارح

فتون
: مليش نفس لأي حاجه اصلا بجد اللي حصل مكنش حد يصدقه

جمال لفها ليه و اتكلم بحنان
: وشك اصفر و مخطوف كدا ليه اما أنتي تعبانه مكلتيش ليه

فتون ساندت راسها على صدره العريض و همست بارهاق