حبيبه شاهد 2

: شافت كثير و هي لسه في سن صغير يا عين امها بكره تطلق منه و ربنا يعوض عليها خير و تتلاقي الشخص المناسب اللي يقدر حبها و يحترمها

كريمه بإمتنان
: بدعيلها ربنا يصلح حالها و تتلاقي ابن الحلال عشان تريح قلبي و اطمن عليها

شمس بصتلها بتساؤل
: انتي قلتي لي عندها كم سنه

كريمه
: سبعاتشر سنه في ثالثه ثانوي و. دي كمان حظها مال فيها مابقتش تروح المدرسه و الامتحانات على الابواب و خايفه اخليها تروح المدرسه يعرف انها راحت و يجي ياخدهم او يعمل فيها حاجه بعد ما يعرف القضيه اللي انا هرفعها عليه

شمس
: خلاص مش انتي قلتي هتروحي تجيبي الورق بتاعها و تقدميلها في اي مدرسه هنا قريبه في السيده

كريمه
: انا فعلا هعمل كده بعد ما نطلع من عند المحامي هروح المدرسه اللي هي فيها اسحب الملف بتاعها بس انا ما اعرفش مدارس هنا

شمس رجعت بصيت على الطريق تاني
: متقلقيش من الموضوع ده هاخلي عيسى او اكرم يقدموا لها في المدرسه اللي هم كانوا فيها و ياستي ما تشغليش بالك بتكاليف المدرسه السنه دي خليها عليا

كريمه
: الحمد لله مستوره انا بس عايزه المدرسه او اعرف طريقها و هروح اقدم فيها الاوراق و هدفع تكاليف المدرسه

شمس بزعل
: انت كده هتزعليني منك مش بنتك هي بنتي و بعدين يا ستي دي هديه مني ليها انتي مالك انتي بيها

كريمه بعتاب
: انتي عارفه ان انا ما اقصدش ازعلك بس انا كنت عينه مبلغ على جنبك جبته و انا جايه و كمان معايا الصيغه لو عزت فلوس هبقى اروح ابيعها و هخلي حاجتها

شمس
: لا انتي كده هتزعليني منك جامد يا كريمه اللي انت عايزاه و تعالي خديه بس ما تبيعيش الصيغه بتاعتك

كريمه
: بفكر اعمل مشروع قريب من البيت بالفلوس اللي معايا قبل ما تتفرتك على الاقل يكون في دخل جيلي كل اول شهر لاني انا مش عايزه اي حاجه من الورث بتاعي في حق جوزي انا سبت كل مالي و محتالي ليه مش عايزه منه اي حاجه

وصلوا قدام بيت المحامي ركنت العربيه و نزله طلع الدور اللي في المكتب و بالفعل دخلوا عند المحامي

المحامي بهدوء
: ان شاء الله القضيه دي كسبانه و في اقرب وقت هتلاقي قسيمه الطلاق عند حضرتك انا مش عايز اي حاجه منك غير انك تعملي ليا توكيل عشان اعرف اتصرف معاه يبقى مني ليه

شمس
: احنا هنعملك كل حاجه و اللي انت هتطلبه هتاخده بس اهم حاجه نضمن ان القضيه هنكسبها و غير كده عايزه طلب صغير منك كده ما تبقاش تجيب سيره لعيسى او اكرم ان انا جيت عندك هنا المكتب

المحامي
: انتي تؤمري يا ست شمس و ما تخافيش انتي عارفاني كويس و عارفه سمعتي و انا القضيه دي كسبانه اعتبري الاستاذه جنه اتطلقت من دلوقتي

وبالفعل كريمه مضت على توكيل للمحامي ان هو يتكفل بكل شيء و سبتله مبلغ تحت الحساب و نزلت من المكتب هي وزشمس و طلعوا على المدرسه اللي كانت فيها جنه و قبلوا المدير

كريمه
: انا محتاجه اسحب الملف بتاع جنه

مدير المدرسه
: ليه يا هانم انتي شفتي مننا اي حاجه وحشه خليتك عايزه تسحبي ملف الانسه جنه

كريمه كانت لسه هتتكلم بس وقفتها شمس و قالت
: لا خالص يا فندم بس هو حصل ظروف و اضطرينا ان احنا ننقل من المكان اللي احنا عايشين فيه لمكان ثاني فالمدرسه هتبقى المسافه بتاعتها طويله جدا فاحنا هنسحب الملف و هنقدمه في اي مدرسه تانيه قريبه من البيت

المدير
: تمام ما فيش مشكله تحبوا تشربوا ايه لحد مع الملف يجهز

كريمه بصيتلها بمتنان و شكر كبير و في خلال عشر دقائق كان الدوسيه جالهم كريمه خدته و رجعت الحاره هي و شمس
شمس ركنه العربيه و حمدت ربنا ان عيسى ما شافهاش و ان لسه اكرم مجاش من بره ، بس لسوء حظها ان الصبي اللي شغال في محل عيسى شافها و هي واقفه قدام الباب بعد ما نزلت من العربيه اطرت انعا تروح تخش المحل
دخلت المحل لاقيت عيسى قاعد على المكتب و باين من ازاز المكتب اللي عمله مخصوص عشان يشوف كل حاجه بتحصل في المحل بره قدام عينيه
فتحت الباب و دخلت بابتسامه بشوشه
: ايه يا حبيبي عامل ايه

عيسى قام من على المكتب ولف وقف قدامها
: الحمد لله كويس اتفضلي ايه اللي نزلك من البيت

شمس بارتباك بان عليها
: ابدا يا ضنايا انا لاقيت نفسي زهقانه قلت انزل اشم شويه هوا و اروح اشقر على خالتك كريمه فقلت اجي اشوفك و اطمن عليك و اشوف المحل اهو بالمره لما اخش عندهم اخش بايدي مليانه مش بايدي فاضيه

عيسى هز راسه بهدوء
: طب اقعدي و شوفي انتي عايزه ايه و المحل كله تحت رجلك

شمس قعدت على الكرسي ، و عيسى قعد قدامها و شاور للصبي ان هو يدخل
: هات كوبايه قهوه ساده و عصير للهانم

شمس
: هانم ايه يا واد انت هتعاملني زي ما بتعامل الزباين و لا ايه

عيسى بابتسامه جميله
: هانم و احلى هانم في الدنيا كلها ها قلتلي عايزه ايه بقى

شمس بصيتله بهدوء
: عايزه سلسله كده حلوه على ذوقك تليق على جنه بنت خالتك كريم

عيسى ملامحه اتغيرت و بصلها و اتكلم
: اشمعنا جنه بنت خالتي كريمه ما تجيبي لخالتي كريمه ذات نفسها و هم دلوقتي بقوا يهاده الناس بالدهب

شمس
: الله مش كل واحد بيهدي الهديه اللي تليق على قيمته و احنا تجار دهب هنهديهم ايه اكيد دهب يعني البنت تعبت و وقفت في المطبخ عشان تعمل ليا صينيه كيكه و في الاخر ماردش الهديه بحاجه حلوه و تفرحها لا لازم نجيبلها هديه كده ايه حلوه تليق عليها بس تكون مخصوصه ليها هي وبس

عيسى حاول يتكلم بنبره صوت طبيعيه
: عندك الكتالوج اختاري منه التصميم اللي انتي عايزاه و هبعته لهم على المصنع يعملولك زيه

شمس اختارت عباره عن سلسله و اسوره و خاتم على شكل فراشه رقيق جدا و زودت على التصميم حلق من نفس الشكل
: انا اخترت التصميم ده و تزود عليه حلق يبقى بنفس شكل الفراشه

عيسى
: انتي كده بتختاري شبكه عروسه مش هديه

شمس رفعت ايديها لفوق و اكدت
: يا رب يسمع من بقك ربنا و تبقى دي هديه عروستك انت بس اتكلم و قول لاخطبيلي و انا عندي ليك عروسه نسمه

عيسى خبط بايديه على المكتب و بصلها و اتكلم بابتسامه
: قلتلي بقى كنتي فين

شمس اختفت ابتسامتها و ردت بارتباك
: كنت في البيت وونازله اروح عند خالتك كريمه

عيسى مسح على دقنه بهدوء و اتكلم بجديه
: كنت فين انتي نزلتي خدتي عربيتك و رحتي عند المحامي و بعديها نزلتي و رحتي المدرسه بعد كده جيتي على هنا كنتي فين بقى و بتعملي ايه عند المحامي

شمس بتوتر و ارتباك
: انت مافيش حاجه بتستخبى عنك دي كانت خالتك كريمه عايزه تسال المحامي عن حاجه كده فقالتلي تعرفي محامي كويس قلتلها اه فقالتلي تعالي معايا نزلنا من عنده و رحنا المدرسه بتاعت جنه سحبت منها ورقها علشان المسافه هتبقى طويله اوي عليها و هتنقلها مدرسه هنا اللي انتم كنتم فيها

عيسى ضـ,ـرب المكتب بايديه و قال
: و خالتي كريمه راحت للمحامي عايزه في ايه

شمس حاولة تتهرب منه و قالت
: جرا ايه يا عيسى انت هتفتح معايا محضر ايه مش كده يا ابني مش كده انا ما اذنبتش يعني و هي كانت عايزه في حاجه كده و خلصت خلاص

عيسى حاول يخفف من غـ,ـضبه شويه ، و اتكلم بحنان
: انتي ليه مش قادره تفهمي يا حبيبتي اني بخاف عليكي و ببقا خايف تحصلك حاجه و انا ما اعرفش انتي فين او مع مين بعد اذنك بعد كده لما تيجي خارجه تعرفيني و تقولي ليا انا رايحه الحته الفلانيه و هبعتلك اي حد من الصبيان هنا يوصلك للمكان اللي انت عايزاه

شمس
: حاضر مش هتتكرر تاني عايز حاجه تانيه خليني اقوم اروح بقى عند خالتك كريمه

جنه كانت قاعده بعد ما كريمه خرجت لاقيت الباب بيخبط خافت تفتح بس لما رجع الباب خبط تاني
حطيت الطرحه على شعرها و خرجت فتحت الباب لتنصدم بأكتر شخص بتكره في العالم واقف قدامها

برقت بصدمه كبيره و همسيت بذهول
: فهد

فهد حط ايديه على الباب يمنعها تقفله ، و زقها لجوا البيت و دخل و قفل الباب وراه و قال بفحيح
: اه فهد كنتي مفكره اني مش هتلقيقي انتي لو في بطن الحوت هجيبك برضو

جنه بصيت على باب البيت اللي قفله برعب و رجعت خطوه للخلف بخوف شديد و اتكلمت بدموع
: أنت ايه اللي جابك هنا امشي اطلع برا مش عايزه اشوفك تاني

فهد راح عندها بهدوء دب في قلبها الرعب
: بتهربي مني انا يا جنه مفكره اني هسيبك تبعدي انتي بتاعتي انا كلك على بعضك ملكي.. ملك فهد و بس عايزه تطلقي عشان تتجوزي غيري مش هخليكي تكوني لحد تاني حتا لو هتعيشي معايا غصب عنك و محدش هيعرف طريق ليكي و كل لحظه هسبتلك انك ملكي انا

جنه بدات في البكاء بخوف شديد و هي بتدعي ربنا ان حد يجي يلحقها منه و من شدت خوفها صوتها مكنش طالع
اتكلمت برعشه و صوت مهزوز
: عشان خاطر اغلى حاجه عندك ابعد عني و امشي و اخرج برا

فهد جه يمسكها جريت طلعت على السلم و هو طلع وراها
: انا مش هسيبك هاخدك معايا و انا ماشي
انا بحبك يا جنه اكتشفت اني محبتش غيرك كنت مفكر اني بحب رندا بس من ساعت ما امتلكتك.. و انا مش قادر انساكي يا جنه كانك كنتي سحر و حالفه ما تخرجي من دماغي

جنه لاقيت نفسها فوق السطح رجعت للخلف و هي بتهز راسها بعتراض
: حرام عليك ابعد عني انت عايز مني ايه

فهد بصلها بعشق ممذوج بجنون
: عايزك انتي صدقيني انا بحبك انتي

فضلت ترجع للخلف لحد ما لازقيت في الحيطة بصيت على الشارع وراها و رجعت بصتله لاقيته قريب منها اوي طلعت على سور السطح و رجليها بتخبط في بعض و اتكلمت برعشه
: لو قربت مني خطوه كمان انا هحدف.. نفسي من هنا و همـ,ـوت نفسي

يتبع……
ط
بقلم حبيبه الشاهد

الفصل السابع عشر

جنه طلعت على سور السطح بصيت للأرتفاع اللي بنها و بين الارض بخوف ، و رجعت بصتله برعب و رجليها بتخبط في بعض من الرعب
: خليك مكانك لو قربت مني انا هحدف نفسي من هنا و هموت نفسي
حرام عليك عايز مني ايه تاني
مش كفايه دمرتني.. و استغليت طفولتي
استغليت مشاعري البريئه في رغبـ,ـتك.. الحيوانيه
ـ,ـتلت.. طفولتي بايديك و كسرتني
انت مش تعبان في حاجه و لا هتحس بالوجع اللي انا فيه
هتحس ازاي و انت الموضوع على هواك و عجبك
روح لمراتك أنت محبتنيش انت عجبك اني كنت مطيعه و ماشيه ورا قلبي الساذج اللي حبك
انت مش غرمان حاجه انا اللي هتعب و يوم ما هاجي اتجوز هتجوز واحد ارمل.. او مطلق.. اربيله عياله
دمرت مستقبلي و حياتي انت شطان يا فهد
شيطان ماشي على الارض بيحرق.. كل اللي حواليه
طلقني لاني مبقتش طيقاك و روح لرندا مراتك انت بتحبها و هي كمان بتحبك بس انا لا
انا بقيت بكرهك.. بكرهك يا فهد على قد الحب اللي حبتهولك زاد اضعاف كره ليك
ابعد عني بقا و سبني في حالي و طلقني

فهد برعب و خوف شديد
: طب ممكن تهدي و تنزلي من عندك و انا هعملك كل اللي أنتي عايزه

جنه بدموع و شهقات حسيت ان قلبها هينخلع.. من مكانه من شدت وجعها منه ، و اتكلمت بدمـ,ـوع
: مش نازله
مش هنزل من هنا غير لما تقولها و تطلقني

فهد بغضـ,ـب رغم خوفه الشديد عليها
: مش هطلقك قولت و انزلي و بطلي هبل انتي مش عارفه مصلحتك فين

جنه مسحت دموعها يضهر ايديها و اتكلمت بسخريه
: و مصلحتي فين معاك انت
هي فين مصلحتي و انت عايزني عشان مزاجك و بس و لما تاخد كيفك مني هتخرج و تسبني و تروح تكمل عند مراتك التانيه انت شخص مقرف.. و الله صعبانه عليا رندا على الاقل انا كنت مغفله و حبيتك عشان صغيره و مكنتش فاهمه حاجه بس هي كبيره و عقلها ناضج عرفت تضحك عليها ازاي

فهد اتقدم عندها بخطوات بطيقه و اتكلم
: انا حبيتك و حبتها هي كمام انتوا الاتنين مكملين بعض انتي جميله و فيكي رقه و طفوله و حنان و قلبك طيب و ست بيت شاطره كمان
و هي بتفهمني و تدعمني و بترتب لمستقبلي و بتحبني انتوا الاتنين بتكمله بعض و انا بحبك زي ما بحبها و الاختيار ما بنكوا صعب اوي لاني مش هقدر استغنى عنك و لا هقدر استغنى عنها انا بحبكوا انتوا الاتنين

جنه صرخت فيه بنهيار
: خليك عندك لو قربت مني خطوه كمان انا هرمي نفسي و اخلص من كل القرف اللي عايشه فيه دا
انت مجنون مفيش حد يعمل اللي انت عملته دا بس مش بتاعتي انت حر حب واحده اتنين ان شاءلله تحب اربعه انا عايزه اطلق مش عايزك يا اخي بكرهك.. ايه مبتفهمش بكرهك يا فهد بكرهك

في الأسفل
كريمه فتحت الباب و دخلت و هي بتدور على جنه بس اتصدمت لما ملقتهاش ، خرجت تدور عليها في الشارع وقفت قدام الباب و لمحة شمس و هي خارجه من عند عيسى راحت عليها

كريمه بخوف ممذوج بدموع
: شمس مشوفتيش جنه رجعت البيت متلقتهاش

شمس بخضه
: لا و الله ما شوفتها انا لسه راجعه معاكي متقلقيش هتتلقيها راحت تجيب حاجه من هنا او هنا

كريمه برعب
: جنه متعرفش حاجه هنا في الحاره هتكون راحت فين

شمس شاورة بايديها على البيت
: يمكن طلعت فوق انتي دورتي عليها كويس

شمس بصيت مطرح ما شاورة و اتصدمت من مظهر جنه اللي واقفه على سور السطح
: يا مصبتي البت هتموت نفسها

كريمه بصتلها بصدمه و حسيت ان رجليها اتمسمرت.. مكانها من وهل الصدمه ، دموعها نزلت من غير ما تحس ، هزيت راسها بعدم تصديق و هي مش مستوعبة و ميت سيناريو جه في دماغها ابشع من بعض ، خرجت من دوامة افكارها على صريخ شمس
و عيسى اللي جري دخل البيت

في الأعلى
فهد هز راسه و هو كل تفكيره انه يطول معاها الكلام لحد ما يقدر يوصلها و يلحقها
: انا موافق على كل حاجه تطلبيها بس انزلي من عندك

جنه حسيت بدوخه بسبب الارتفاع العالي اللي هي وقفه عليه بصتله و اتكلمت بصريخ
: مش هنزل من هنا غير لما تنطقها و تطلقني بالتلاته

فهد بخوف اشد
: حاضر انزلي و نتفاهم و هعملك كل اللي أنتي عايزه

عيسى حس ان قلبه هينخلع من مكان من فرط خوفه عليها لما شافها بينها و بين الموت خطوه ، و اتكلم برعشه و صوت مهزوز و حاول على قد ما يقدر يطلع حنين
: جنه انزلي من عندك
انتي مؤمنه بالله و مستحيل تخسري اخرتك

جنه دموعها نزلت بقهر
: صدقني يا ابيه مبقاش فيه حاجه اعيش علشانها

كريمه بدموع و خوف
: طب و انا هيهون عليكي تسبيني لوحدي انا مليش غيرك انزلي ابوس ايدك و انا و الله هعملك كل اللي انتي عايزة و مش هخليكي تشوفيه تاني

شمس بتوتر و خوف
: استهدي بالله يبنتي و انزلي و صلي على النبي

_ اللهم صلي و سلم و بارك على سيدنا محمد 🦋.

عيسى قرب منها اوي و مد ايديه بحذر شديد و بصلها في عينيها بخوف شديد و توتر ، و اتكلم بحنان و هو بيحاول يبث الأطمئنان في قلبها
: هاتي ايدك و انزلي و شاوري على اي حاجه عايزها و انا وعد مني هجبهالك تحت رجليكي

بصيت لأيديه الممدوده ليها و بصيت لعيونه و لاقيت نفسها بتمد ايديها اللي بتترعش ليه بتلقائيه منها و من غير ما تحس و هي بتتشاهد من خوفها من الارتفاع
عيسى مسك ايديها بسرعه و شدها من على السور وقعت في حضنه و ضمها ليه بشده و هو بيحاول يطمن نفسه عليها و بيطلع كل خوفه جوا حضنها ، حس برعشتها ضمها بحنان و هو بيحاول يهديها و يخفف من خوفها و نفسه اللحظة دي تقف عليها و يفضل كدا في حضنه طول العمر
فاق على صوت كريمه اللي اتكلمت بصوت عالي و هي بتاخد نفسها اللي راح منها من شدت خوفها
: الف حمد وشكر ليك يارب

خرجها من حضنه بقوه ، و مسكها من كتفها بغضب و هزها بقوة و غضب
: انتي يابت اتجننتي عايزه تموتي نفسك كافره.. جرا لعقلك ايه

فهد شال ايديه من عليها بعصبيه
: شيل ايدك من عليها لاقطعالك

عيسى بصله بغضب و وقف قدامه بجبروت و جنه وراه ، حس بايديها اللي بتكلبش في التشرت بتاعه و برعشتها و هي بتتحامه فيه و حس بفرحه جواه
بص لفهد بفحيح
: و القمور يطلع مين و كان هنا بيعمل ايه

فهد اتعصب اكتر من خوفها منه و حميتها في الشخص دا
: القمور يبقا جوزها و انا هنا عشان اخد مراتي

عيسى حس بغصه قوية في صدره و اتصدم انها طلعت متجوزه اتكلم بنبرة صوت حاده
: اذن من اللي انا شوفته دلوقتي انها مش عايزك و المشاكل مبتتحلش كدا

فهد مسكوا من التشيرت بتاعه بغضب
: و انت جاي تعرفني اتعامل مع مراتي ازاي ابعد من وشي خليني اشوف الهانم

كريمه بصوت مبحوح أثر صريخها
: حرام عليك ياخي عايز مننا ايه احنا سبنالك الدنيا كلها و هربنا منك جينا هنا جاي ورانا ليه

فهد و هو لسه مسك في عيسى
: جاي اخدك و اخد مراتي و حسابي معاكي بعدين

قاطع كلامه لاكمه.. قويه خدها من عيسى و انهال عليه بالضـ,ـرب ، جنه مسكت فيه بخوف هي و شمس و حاوله يبعدوه عن فهد اللي كان شبه غايب عن الوعي

شمس
: اهدى بقا اهدى خلينا نحل المشكله من غير مشاكل و انت يبني قوم نفض هدومك و امشي عايز منهم ايه كفايه اللي انت عملته في امك
امك مش حمل مشاكل تاني انت مش شايف شكلها بقا عامل ازاي

كريمه بصتله بوجع على شكلوا و مقدرتش تمنع عيسى
: انا خلتها رفعت عليك قضية خلع.. و قريب اوي هنكسب القضيه و هتطلقها الاحسن ليك انك تطلقها من غير فضايح و لا شوشره

فهد سند على الحيطه و قام بصعوبه و خوف من عيسى بس مبينش خوفه و اتكلم بغضب
: على فكره انا اللي ابنك مش هي دي مش بنتك و لا نعرفها انا مش عارف ايه اللي خلاكي تمسكي فيها طول السنين دي كلها ما كنتي رمتيها.. في اي ملجأ

كريمه راحت عندوا و ضـ,ـربته قلم قوي.. على وشه و اتكلمت بدموع و صوت مهزوز
: اخس على البطن اللي شلتك تسع شهور انت مت.. بالنسبالي انا مخلفتش غير بنت واحد بس و هي جنه امشي اطلع برا و مشفش وشك هنا تاني غير يوم المحكمه و انت بتطلقها براااا

بعد فتره
جنه كانت نايمه على السرير بعمق و باين على ملامحها أثر الرعب و الخوف و ابرة المحاليل مغروزه في ايديها ، و كريمه جنبها على السرير و دموعها نزله بقهر و حزن شديد و شمس واقفه و دموعه موقفتش من حزنها عليهم

شمس بصوت مليئ بالحزن
: طمني يبني جنه عامله ايه لو محتاجه مستشفى نوديها

اكرم
: مفيش داعي المستشفى انا ادتها حقنه مهدئه عندها انهيار عصبي ياريت تحاولي تبعدي عنها اي ضغط نفسي لانها ممكن توصل لحاله محدش هيحبها

كريمه بتعب شديد و دموع
: انت بتطمني عليها و لا بتقلقني عليها اكتر

اكرم
: انا معرف جوزها انها ممكن تدخل في مرحلة انهيار او اكتئاب بعد ما اتخطفت.. و موت الجنين و انها لازم تروح عند دكتور نفسي عشان تتعالج و تتخطا كل اللي حصلها بس الواضح انه مسمعش الكلام و ضغط عليها اكتر و اللي كنت خايف منه حصل و هي بالفعل دخلت في حالة انهيار عصبي و حاولة تموت نفسها من غير ما عقلها يدرك ان دا كفر بالله اعوذ بالله او انها بكدا هتنهي حياتها

كريمه بحزن
: منه لله جوزها هو اللي وصلها للحاله دي

اكرم بهدوء
: و هو فعلاً شكلوا صعب و قدرت احلل شخصيته لما جه المستشفى و فضل يزعق و يتخانق مع كل طقم الدكاترة اللي كانوا موجودين

شمس
: متجبش بقا سرته تاني قدمها لانها خلاص هتتطلق منه

اكرم
: كويس يعني اقصد انها فعلاً خدت خطوه صح انها تبعد عنه و تبدا تاخد بالها من نفسي و تبعد عن الضغط اللي حطتها فيه دايما

خلص كلامه و خرج من الاوضه لاقه عيسى مستنيه قدام غرفتها
عيسى بجمود لا يليق إلا عليه رغم خوفه المفرط
: مالها

اكرم
: عندها انهيار عصبي و مش اول مره اقولهم يبعدوا عنها اي ضغط عصبي او نفسي

عيسى بستغرب
: انت شوفتها قبل كدا فين

اكرم
: مدام جنه كانت جيالي في حادثة.. كانت خناقه في المدرسه و بنت زميلتها ضـ,ـربتها و كنت مصدوم انها متجوزها لانها لسه قاصر و بعدين غير كدا عرفت انهم ليهم اعداء لانها اتخطفت من المستشفى

عيسى قاطعه بصدمه و ذهول
: اتخطفت ازاي من المستشفى هي كانت قاعده في شارع

اكرم
: اللي دخل دخل بكرنيه دكتور و محدش هيشك فيه و خطفها و جوزها جه بهدل الدنيا و فضل وراها لحد ما عرف يجبها بس لما جت كانت للأسف فقضة الجنين

حس عيسى بغصه قوية.. في صدره و غـ,ـضب من انها كانت متجوزها و حامل الفكره نفسها بتاكل في قلبه هز راسه و بصله بجمود
: كويس انك جيت طمنتهم عليها يلا ننزل

اكرم زنزل و دخل بيتهم ، و عيسى خد عربيته و فضل يلف في الشوارع و هو حاسس انه تايه و مش فاهم نفسه

فتون فتحت عينيها بنغنشه قفلتها و رجعت فتحت
لاقيت جمال جايب كرسي و قاعد جنبها
لفت وشها بعيد عنه و همسيت بارهاق
: انت هنا بتعمل ايه

جمال ربع ايديه ببرود و اتكلم ببرود
: قاعد في بيتي مستني مراتي تفوق و اشوفها قطعة ايديها و كانت عايزه تموت نفسها ليه انا مطلبتش غير حقي و لا كفرة

فتون بصتله باعين حمراء و اتكلمت بنفعال
: كفرة حشا الله
دا انت شيطان رجيم ماشي على الارض تـ,ـتل.. القـ تيل و تمشي في جنذته و انت لابس قناع الملاك مبهاره و لا كانك انت اللي قتـ لتها ايه يا اخي الجبروت اللي أنت فيه ده

جمال كور ايديه و هو بيحاول يتحكم في غـ,ـضبه
: خلصتي كلامك قومي خدي العلاج انا جبتهولك

فتون اتعدلت على السرير و حسيت بتقل في دماغها بس قوحت و قامت وقفت قدامه بغضـ,ـب مفرط
: لا يا راجل اللي يشوفك يقول خايف على صحتي اوي لا اموت
و لا خايف اموت.. نفسي الناس تقول ايه عليك اتجوز اتنين اخوات و الاتنين ماتوا في سنه واحده
خايف الناس تشك فيك لا متخفش الناس مش هتشك فيك عارف ليه لانك راسم الدور صح اوي كمان

جمال بغـ,ــ,ـضب مفرط
: اهمدي بقا و اقعدي في حتا و متحوليش تخرجي غـ,ـضبي عشان مفيش حد غيرك اللي هيزعل

وقفت قدامه بقوة رغم ضعفها و تعبها
: هتعمل ايه هتقـ.. تلني زي ما ـ,ـتلت.. اختي و لا هتضـ,ـربني و لا اقولك هتحبسني انا اهوا قدامك اعمل فيا كل اللي أنت عايزه معنديش مانع

جمال عروق ايديه ظهرت من فرط غضبه و اتكلم من بين سنانه بفحيح
: انا مش عايز اتغابه عليكي عشان دمك.. اللي اتصفاء امبارح على الارض فـ اتقي شري احسنلك و صوتك ميعلاش عليا يا فتون مره تانيه

فتون كانت لسه هترد بس مسكت دماغها بسبب الصداع اللي هجمها مره واحده مسحوب بغمامه سوداء ، قعدت على طرف السرير و هي بتفتح عينيها بس شافت كل حاجه حوليها باللون الاسود من فرط عصبيتها و الدم.. اللي فقدته

جمال بصلها بغضب ممذوج ببعض القلق و اتكلم
: خليكي هنا مكانك متتحركيش من على السرير هطلب اكل تكلي كويس و تعوضي الدم اللي نزفتيه.. و تاخدي الادويه اللي هتساعد ان الجرح يلم

قال كلامه و خرج من الاوضه ، فضلت فتون على وضعها و حطيت راسها على المخده و نامت من التعب
بعد حوالي ساعه رجع جمال الاوضه لاقها نايمه خاف يصحيها و هي باين عليها التعب خرج من الاوضه جهزلها الاكل على الصنيه و شالها و دخل حطها على الترابيزه و قرب الترابيزه من السرير
بصلها بتردد و خوف جواه و اتكلم بهدوء
: فتون.. فتون اصحي كلي و ارجعي نامي تاني

صحيت على صوته بصتله بعداوه و قالت
: مش عايزه طفح.. ادام من ايدك

جمال ببرود
: مش حرام نقول على نعمة ربنا طفح
قومي كلي و خدي ادويتك مش هعيد كلامي كتير و متخافيش مش انا اللي عامل الاكل دا جاهز

فتون بعصبيه
: قولتلك مش عايزه انت ايه مبتفهمش

جمال قعد على ركبته على السرير و مسكها من رقبتها.. بقوة و قرب من وشها اوي و اتكلم بفحيح
: مش جمال الشنش اللي واحده تكسرله كلمه الكلمه اللي اقولها بعد كدا تتسمع وقتها بدل ما رقبتك تطير.. فيها انا لحد دلوقتي مأدب و مش عايز اقل ادبي معاكي و اوريكي شغل العربجيه و قتـ لين القـ تله عامل ازاي

فتون حاولة تبعد ايديه عنها و هي بتاخد نفسها بصعوبه و مسكه ايديه بضعف ، سابها و قام وقف قدامها اتعدلت برعب و هي حاطه ايديها على رقبتها و بتاخد نفسها بسرعه و بصله بخوف شديد

جمال بغضب
: نص ساعه ارجع اتلاقي الاكل دا كله خلص و تكوني واخده الدواء و لأ هتشوفي وش تاني مش هيعجبك

خلص كلامه و خرج و رزع الباب وراه بصيت لطيفه برعب و ضمت نفسها بخوف و رعشه و همست بدموع
: منك لله يا غزل انتي السبب في كل اللي بنعيشه ربنا يجحمك في نار جهنم مش يرحمك

بصيت على الاكل بدون نفس و قربت من الصنيه و بدات تاكل بخوف شديد من تهديده و اخدت الادويه و فضلت تدور على اي حاجه تلبسها بس هو مدهاش فرصه تاخد هدوم
دخلت غرفة الملابس ملقتش حتا هدوم من بتاعت غزل خدت تشيرت من بتوعه و دخلت الحمام تغير الهدوم اللي مليانه دمها
خرجت و هي لبسه التشيرت و تحتيه استرتش هي كانت لبسه و خافت تخرج من الاوضه تشوفه
حطيت الفستان في الحوض و غسلته على ايديها بصعوبه من ايديها لحد ما لحظه ان ايديها بتنزف و الازق الابيض كله بقا احمر
بصت لايديها بألم و لسه هتخرج من الحمام لاقيت جمال واقف في وشها

جمال بص في عينيها و لمح ايديها اللي بتنزف.. مسكها من ايديها و اتكلم بحد
: جرحك فتح من ايه

فتون بخوف و رعشه
: كنت كنت بغسل الفستان و اتفتح

جمال بصوت مرتع غاضب
: ما طبيعي يتفتح حضرتك حطيتيه تحت المياه و جه عليه المسحوق و هو لسه متخيط من كام ساعه

فتون اتنفضت في مكانه بخوف و بكت و هي مش عارفه بتعيط من ألم ايديها و لا من خوفها منه حاول يمتص غضبه و خالها قعدت على السرير
: خليكي هنا هنزل اخلي اكرم يجي يشوفك

اتكلمت فتون من وسط بكائها
: مينفعش اخوك يجي يشوفني و انا بالشكل دا و انا مليش هدوم هنا انت مخلتنيش اجيب هدومي و انا جايه مفيش غير الفستان و مبلول

جمال مسح على شعره بغضب و دخل الحمام جاب الاسعافات الأولية و رجع قعد قدمها ، فتون خافت منه

جمال بصوت رجولي هادي
: متخافيش مش هتوجعك هشوفها بس

مسك ايديها بحنان و شال لازق اللي عليه لاقه الجرح بينزف.. بدأ يمسحلها على الجرح بحنان و هو خايف يوجعها و غيرلها عليه و هي مغمضه عينيها و خايفه
بصلها و فضل يتأمل ملامحها شبها كتير في الشكل يمكن عشان تؤام بس مش زيها في الطبع فتون برغب قوتها اللي اتصدم بيها امبارح إلا انها خجوله و بتخاف من اي شخص حوليها زي الأطفال و طيبه عكس غزل المتمرده الشرسه.. و قلبها الجامد
فاق من شروده و بص بعيد عنها و اتكلم
: فتحي عنيكي انا خلصت

فتحت عينيها و هي بتتنفس بصوت عالي من فرط خوفها و خجلها قام من جنبها و خرج من الاوضه

في منزل عائلة الشنش
في شقة يونس اخوا عيسى الوسطاني باب الشقه خبط ، جريت دهب فتحت الباب لاقيت سيف سلفها قدامها
شدته من ايديه دخلته الشقه بسرعه و قفلت الباب
: في حد شافك و انت طالع

سيف مسكها من خصرها و غمزلها بعنيه
: بقالي كام سنه بطلعلك هنا عمر حد خد باله

دهب حطيت ايديها على رقبته و همسيت بدلل