حارستي الشخصية الأخير

الفصل الخامس عشر
جنا وهي تبكي:فين جنات
سميه بعصبيه:ما هيا غارت في داهيه متعديش توجعي راسي بئه
نور:يعني ايه في داهيه دي انسانه مش حشره
سميه بعصبيه:وانتي ايه الحنيه الي نزلت عليكي فجاه دي
نور:يعني لما الناس تلاحظ انها مش موجوده عندنا هنقولهم ايه
ياسمين:نبئه نقولهم سافرت راحت في اي حته مالك قلقانه كده ليه عليها الي يسمعك يفتكرك بتحبيها اوي
كانت سترد عليها نور ولكن سمعت صوت رساله من هاتفها
فتحت الرساله وانصدمت من الذي تقراه كان محتوي الرسال
انتي فاكره لما تعمليلي بلوك مش هوصلك بس ماشي هدفعك الي لنتي عملتيه ده غالي اوي واذا متصلتيش عليا هتلاقيني عندك في البيت دلؤتي وبفضحك قدام اهلك
شعرت نور بانه سيغمي عليها لا تصدق ما يفعله تشعر بالرعب منه
عند علي كان علي يشعر بياس كبير فهوا يشعر انه السبب لانه تعامل بطريقه سيئه
عند عماد كان يشعر بالعصبيه فهل هيا اختفت لتتهرب منه يشعر بالضيق عندما يعتقد هذا ولكن ماذا بيده ان يفعل فهيا الان ليست موجودخ
في مكان بعيد كانت تجلش وتراقب الزرع الاخضر
:الجميل بيفكر في ايه
نظرت جنات خلفها وقالت مبتسمه:ولا حاجه يا زياد انا بس عاجبني المنظر
زياد:متعرفيش انا مبسوط اد ايه انك قاعده معانا هنا
جنات:وانا كمان مبسوطه اويةبفكر اقعد هنا علي طول
زياد بفرحه:يا ريت بس هاتي معاكي جنا
جنات بخبث:بئيت تسال علي جنا كتير
زياد بتوتر:دي صلة رحم برضه
جنات ضاحكه:يا واد يا جامد بتفهم انت في الاصول اوي
زياد بتفاخر:عيب عليكي ده انا صايع قديم
جنات:لكن مقولتليش انت كنت عايز ايه
زياد:كنت جاي اقولك تعالي افطري
جنات:ماشي يلا بينا
دخلت جنات وجلست علي الارضت وجلست بجانبها خالتها سعاد
سعاد:بجد يا بنتي يا ريت تقعدي معايا علي طول من ساعت ما بنتي اتجوزت وانا حاسه بوحده
جنات مبتسمه:ربنا يخليكي ليا يا خالتو
زياد بتمثيل:ايه ده وانا مش مالي عينك ولا ايه يا ماما
سعاد:اتنيل انت ده انت طول انهارد قاعدي علي البلايستيشن
جنات:بفكر اعمل مشروع هنا
سعاد:يا ريت يا بنتي وتعيشي معايا
زياد:لاء طبعن
جنات باستغراب:لاء ليه
زياد:في حد يعمل مشروع في الارياف كده هتخسري
جنات:صح معاك حق
زياد:مش عارف من غيري كنتي عملتي ايه
جنات:ههههه شايف نفسك انت اوي
سعاد:سيبك منه ويلا كلي شكلك هفتانه خالص اكيد الحربايه الي كنتي عايشه معاها دي مكنتش بتاكلك مش عارفه ليه مكنتيش عايزه تعيشي معانا هنا
جنات:صدقيني يا خالتو كان نفسي بس اعمل ايه بابايا لازم اطمن عليه كل شويه وكمان جمعتي هناك
سعاد:انا بس خايفه عليكي
جنات:ربنا ميحرمنيش منك
سعاد:بقولك ايه يابنتي بعد ما تخلصي اكل تعالي في الاوضه عيزاكي في حاجه
مهمه
جنات:ان شاء الله
عند علي كان يفكر بشئ ولكنه متردد علي في نفسه:اروح لالا كده ممكن يفهمو غلط لاء انا اقولهم اني سكرتير في الشغل وانا كده مش بكدب ماشي يلا
ركب علي سيارته وذهب لمنزل جنات
ودق علي الباب ففتحت له نور
علي:مساء الخير
نور:مساء النور مين حضرتك
علي:انا سكرتير استاذ علي وهوا الي بعتني عشان الانسه جنات بقالها يومين مبتجيش الشغل
نور:احنا كمان منعرفش مكانها
علي باستغراب:ازاي اكيد قالت لاباها ومامتها
نور باستغراب:مامتها متوفيه اصلن
انصدم علي:نعم!!!!!!
نور:وبابا في المستشفي
علي وهوا مازال منصدم:هوا باباها بقاله كتير في المستشفي
نور:يجي فوق السنه في غيبوبه
علي:طب شكرا عن اذنك
دخلت نور
سميه:مين الي علي الباب
نور:ده سكرتير استاذ علي الي جنات بتشتغل عنده
سميه:وكان عايز ايه
نور:بيسال عليها عشان بقالها يومين مجتش الشغل
سميه:وقولتيله ايه
نور:قولتله اننا منعرغش عنها حاجه
سميه بعصبيه:ليه مكدبتيش عليه وقولتيله انها مسافره
نور:ولما يطلب مني عنوان المكان الي هيا سافرت ليه ساعتها هقوله انا ايه
سميه:يووو حتي وهيا مش موجوده جيبالنا الهم
عند جنات دخلت الي غرفة سعاد
سعاد:تعالي اقعدي جمبي
جنات:خير يا خالتو
سعاد وهيا تمد يدها وتعطي لجنا بعض المال:خدي يا بنتي دول
جنات منصدمه:ايه يا خالتو الي بتعمليه ده متقلقيش انا معايا فلوس
سعاد:انتي زي بنتي وبعدين لازم تشتريلك برضه هدوم
جنات:صدقيني يا خالتو معايا كتير الحمد الله
سعاد:يا بنتي ولما يخلصو هتعملي ابه
جنات:متقلقيش يا خالتو انا عارفه انا هتصرف ازاي
سعاد:ماشي يابنتي الي يريحك يلا روحي اوضتك ارتاحي شويه
جنات:ماشي يا خالتو تصبحي علي خير
سعاد وانتي من اهله
ذهبت جنات الي غرفتها وجاء فجاه في بالها علي فقررت ان تفتح هاتفها ووجدت رسائل كثير ولكن لم تكن من علي فقط كانت من عماد ايضا
قرات الرسائل وكان كل رسائل علي تسال عنعا وعن مكانها ولكن كانت رسائل عماد تحمل معاني الغضب والانتقام
ذهبت جنات الي نوم ونسيت ان تقفل هاتفها
في مكان تاني
ذهب علي الي المستشفي التي اخبرته نور عنها وسال عن ابو جنات ودخل غرفته
علي في نفسه:هيا ليه خبت عليا وكدبت نظر علي لوجه ابو جنات كانت جنات تشبه اباها ابتسم علي ولكن لم تدم هذه الابتسامه طويلن فقد سمع صوت خلفه
الدكتور:حضرتك مين
علي:انا بس كنت جاي ازور المريض ده
الدكتور:هوا حضرتك قريبه
علي:لاء الحقيقه انا قريب جنات ممكن اعرف حالة المريض ايه
الدكتور:للاسف حالة المريض ميؤس منها لكن لما فتحةعنيه وقفلها بئه عندنا امل بسيط انه يفوق من الغيبوبه
علي شعر بالحزن:طب وهيا امته اخر مره زارته جنات
الدكتور:هيا جت انهارده الصبح بدري وسالتني علي حالته ومشيت
علي:طب مشوفتش معاها شنطه او اي حاجه مسكاها
الدكتور:اه كانت معاها شنطة سفر
علي وتاكد ان جنات سافرت شعر بالضيق الكبير:طيب متشكر اوي عن اذنك سلام
الدكتور:وعليكم السلام
ذهبت علي وركب سيارته وهوا يشعر بالضيق هل لن يراها مره اخري وفجاه سمع صوت هاتفه يرن وكان الرقم مجهول
علي:الوو مين معايا
علي:بتقول ايه بجد طب قولي فين
علي:عايز ايه وانا مستعد اجيبهولك
علي:ماشي موافق علي كل طلباتك قولي فين بئه
عند جنات استيقظت من نومها كانت الساعه الثالثه والنصف صلت ولبست
جنات:خالتو انا خارجه
سعاد باستغراب:رايحه فين
جنات:اصلي لقيت صيدليه صغيهر كده هيا بعيهد شويه لكن قدمت فيها ووافقو
عليا
سعااد :طب خدي بالك من نفسك ومتتاخريش
جنات:ان شاء الله
وذهبت جنات مسرعه الي الصيدليه
الصيدلي:من بكره هتبدئي من الساعه سبعه الصبح للساعه سته
جنات:ان شاء الله
الصديلي:وهتوصلي الادويه
جنات:ان شاء الله
الصيدلي:امسكي الادويه دي ورتبيها علي الارفف الي وراكي
جنات حاضر
بدات جنات بترتيت الادويه وبعدها بدات بالتنظيف وبعدها بساعه
رن الهاتف ورد الصيدلي
الصيدلي:ايوه حاضر طب ممكن العنوان اوك عشر دقايق ويوصلك الدواء
ماشي مع السلامه
الصيدلي ويوجه كلامه لجنات:جنات تعالي
جنات:ايوه
الصيدلي:هاتي دوا البنادول ده ووصلي للعنوان الي في الورقه
جنات:حاضر
الصديلي:عشر دقايق بالظبت توصلي الطلب
جنات:حاضر
نظرت جنات الي عنوان كان العنوان قريب من الصيدليه فذهبت الي منزل
الذي مكتوب العنوان
ولكن قبل ان تدخل انصدمت وهي ترا من امامها
جنات وهيا مصدومه:علي!!!!
نظر علي خلفه وهوا ينظر لجنات شعر علي بفرحه كبيره وهوا يراها امامه
نظر علي لها بنظرات حزن وعتاب وعصبيه ساد بينهم الصمت والنظر لاكثر من ثلاث دقائق

الفصل السادس عشر
جنات:علي!!!!!!!
ظل غلي خلفه ووجد جنات شعر بفرحه كبيره لا توصف كان يخشي ان لا يراها
مره اخري ولكنه استطاع ان يوصل اليها نظر لها نظرات عتاب وكانت هيا تتهرب من نظرات اقترب علي منها
علي ببرود:هاتي
جنات:هاااا
علي:هاتي البنادول
جنات:انت الي طلبته؟؟؟
علي:امسكي
واعطاها حساب البنادول
جنات:انت عرفت ازاي اني هنا
علي:ملكيش دعوه وخليكي في حالك
جنات بعصبيه:انت ازاي بتكلمني كده احترم نفسك احسنلك
علي بسخريه:يعني هتعمليلي ايه بالعكس دلؤتي انتي الي في ايدي
جنات بدون فهم :يعني ايه
علي:يعني لو فكرتي بس تقلي ادبك عليا ولا تقولي كلام من كلامك الدبش ده هتلاقيني بتصل بصاحب الصيدليه وقوله انك بتقلي ادبك عليا
جنات:هع اتصل ولا يهمني
علي:اوك
اخرج علي هاتفه وكان سيتصل بصاحب الصيدليه ولكن اخذت منه جنات الهاتف بسرعه
علي بسخريه:خايفه ولا ايه
جنات:عن اذنك
واعطته الهاتف وذهبت
جنات تمشي وهيا حقا محتاره كيف عرف مكانها ولماذا ذهب اليها ولماذا يعاملها هكذا وفجاه شعرت بان شخص يمشي ورائها نظرت ورائها وجدت علي يمشي ويتبعها
جنات:بتمشي ورايا ليه
علي:هوا الشارع ده مكتوب باسمك وبعدين انا مش بمشي وراكي انا بس بتمشي شويه
جنات:اوفففف اوك
وبدات جنات بالجري فجري علي ورائها جرت جنات ودخلت يمينن فجاء علي ليتجه يمينن ولكن اوقعته جنات
جنات بسخريه:وده اسمه ايه بئه ان شاء الله حبيت الجري فجاه وصادف كمان تجري ورايا
علي وهوا يقوم ويعدل ملابسه:جنات
جنات:نعم
علي:تعالي عايز اتكلم معاكي
جنات:عندي شغل ومش فاضيه
علي:لو مجتيش معايا هتصل بصاحب الصيدلي وقوله علي الي عملتيه فيا
جنات بعصبيه:هوا كل ما ارفضلك حاجه هتهددني
جنات:بتضحك ليه
علي:مش قادر اصدق ان في يوم جه بهددك فيه زي ما كنتي بتهدديني فيه فاكره ولا لاء مهو الي بيعمل حاجه بتتردله وجه اليوم الي اهددك فيه يلا تعالي معايا
جنات:علي ارجع انا مش عايزه اشوفك ولا اتكلم معاك
انصدم علي من كلامها:في ايه مالك
جنات:امشي يا علي امشي
ذهبت جنات وتركته وعلي ما زال مصدوم من طريقتها
رجعت جنات وهيا تشعر بالتالم كانت تريد ان تبدء من جديد وتنسي امره ولكن لماذا عليه ان يظهر امامها مره اخري هوا يجعل الامور اصعب عليها
صاحب الصيدليه:انسه جنات من فضلك ركزي
جنات:هاا اسفه
صاحب الصيدليه:كملي شغلك
جنات:حاضر
كانت تعمل جنات في الصيدليه وتشعر باحباط كبير
في مكان تاني في الكافيه
كانت نور تجلس وهيا تشعر يالخوف تنتظر طارق
وبعد خمس دقائق وصل طارق للكافيه
وابتسم بخبث عندما راي نور
طارق:اذيك يا قلبي
نور:جتك وجع في قلبك عايز مني ايه
طارق:قولتلك دخول الحمام مش زي خروجه وانا لسه عند كلامي ده
نور باستغراب:انت عايز ايه بالظبت
طارق:اسمعي بئه اديني صوره لجنات ورقم موبايلها
نور بعصبيه:انت سافل وانا استحاله هعمل حاجه من الي انت بتقولها
طارق:لا يا حلوه هتعملي عشان لو معملتيش حاجه من الي قولتها هروح لاهلك وافضحك وكمان هوريها رسايل الغرام الي بينا
نور ودمعت عيناها
طارق:ها يا روح قلبي تختاري ايه
نور:سيبني افكر
طارق:قدامك يومين لا يوم واحد بس كفايه
ثم تركها وذهب
جلست نور وتشعر بالضيق ماذا ستفعل
عند جنات كانت الساعه السادسه انهت عملها ورجعت الي المنزل
جنات وهيا تدخل:خالتو انا جيت
وانصدمت وهيا ترا علي يجلس مع خالتها وزياد
خالتو:تعالي يا جنات سلمي علي استاذ علي
جنات باتمثيل:اهلن استاذ علي
علي:اهلن
خالتو:بصي بئه يا حبيبتي الاستاذ علي جه وقالي انه عايزك في شغل مهم
جنات بتمثيل:ايه ده وحضرتك تعرفني منين
علي ممكن نتكلم شويه
جنات:اتفضل في الصاله
دخل علي الي الصاله
جنات:عايز ايه
علي:ممكن افهم بئه انتي ليه عملتي كده
جنات:عرفني الاول مين عرفك مكاني
علي بابتسامه طب قربي وانا اقولك
اقتربت جنات وهيا مستغربه وقال علي بصوت واطي
علي:افتحي باب الصاله بسرعه وانت تعرفي مين الي قالي
ذهبت جنات عند الباب وفتحته بسرعه وانصدمت وهيا تري زياد يقع علي الارض وكانه كان يتصنت
جنات:زياد!!!!!
علي:بالظبت هوا الي قالي علي مكانك
نظرت جنات لزياد بعصبيه وذهب زياد بسرعه خلف علي
زياد:سامحيني يا جنات لقيت رساله منه وانتي نايمه قولت اكلمه واخد منه فلوس واقوله علي مكانك
جنات:ندل
علي:ههههه زياد ده ذكي اوي
جنات:وانت مرتشي اوي
علي:ليه كنت ضـ,ـربته علي ايده ولا طلبت منه رشوي هوا الي كلمني وطلب الرشوه
جنات:وانت يهمك في ايه تعرف مكاني
علي:روح انت يا زياد دلؤتي
جري زياد بسرعه قبل ان تقـ,ـتله جنات
علي:انتي ليه سيبتي الشغل معايا
جنات:غريبه انه يهمك تعرف من رغم ان دي امنيتك علي الاقل خلصت من تهديداتي الي كانت بتضايقك واعتقد ان دلؤتي باباك بدء يثق فيك لانك بدات تشتغل في الشركه وكل حاجه بائت تمام مش ناقص غير انك تتجوز هايدي يبئه انا ايه لازمتي
جلس علي :انا مش هتجوز هايدي
جنات باستغراب:ليه
علي:عشان هيا السبب في الي ابويا فيه
جنات:مش فاهمه
علي:مش مهم انا بس كنت قلقان عليكي وكنت خايف اني مشوفكيش تاني
جنات:وليه هتقلق عليا وهيفرق معاك في ايه لو مشوفتنيش تاني
علي:عشان عشان مش عارف يا جنات مش عارف
جنات:لما تعرف ابئه ساعتها تعالي لكن دلؤتي انت ملكش اي صفه انك تيجي
علي:انتي ليه بتتعاملي معايا ببرود كده
جنات:انت عايز مني ايه ارجوك سيبني في حالي خلاص التمثيليه دي مبقاش ليها اي فايده ليه جاي هنا وبتشوفني
علي بعصبيه:انتي لس مش قادره تفهمي لاني كنت خايف عليكي وخايف ليكون جرالك حاجه
جنات:وليه تخاف عليا اصلن ليه يشغل بالك ان كان جرالي حاجه ولا لاء
علي:عشان انا ب…. ولم يكمل جملته كان يريد اني يقول لها انه يحبها
ولكن راي شخص خلفها جعله ينصدم من وجوده ويشعره بالعصبية والغيره
نظرت جنات خلفها وانصدمت من الذي تراه امامها
جنات:شريف!!!!!!
جاء زياد:الاستاذ شريف جه وبيقول انه عايزك
جنات:انت قولتله هوا كمان علي مكاني
زياد:لاء مقولتلوش
شريف:عرفت من هند
جنات:اوففف ليه الي بيقعو في حظي مبتتبلش في بؤهم فوله
شريف:كده يا جنات تقلقيني عليكي ليه يا حببتي مقولتليش انك هنا
تعصب علي عندما قال كلمة حببتي كان يريد ان يقـ,ـتله
جنات:معلش يا شريف كنت عايزه اكون بس لوحدي مش اكتر
شريف:ولا يهمك المهم انك بخير
جنات بابتسامه:متشكره اوي
شريف:مفيش بنا شكر احنا عدينا الخطوه دي خلاص
جنات:طب هوا انت ناوي ترجع ولا لقيت مكان تبات فيه
شريف:لاء هرجع مقدرش اسيب ماما لوحدها بس انا مش عارف السكه ازاي ارجع ممكن توصليني بس لحد بره الشارع وانا بعد كده هتصرف ويكون احسن لو وصلتيني لحد النيل عشان الدنيا كحل والشوارع شبهة بعضها
جنات:حاضر بس زياد هيكون معايا
شريف بابتسامه:اكيد
علي:انا جاي معاكم
جنات:ليه
علي:انا كمان مش عارف السكه
جنات:ماشي
ذهبت جنات لتبدل ملابسها وكان شريف وعلي ينظرون لبعضهم البعض نظرات كره وحقد
خرجو الاربعه واثناء الطريق
شريف:مقولتليش يا استاذ علي انت ايه الي جابك هنا
علي:جيت هنا عشان اطمن علي جنات
شريف:وانت باي صفه تسال عليها
علي:اصلها عزيزه عليا اوي
شريف:طب يا ريت متبقاش تيجي تطمن عليها تاني لان جنات خلاص بائت مسؤله مني
علي:يعني استاذن منك عشان اشوفها
شريف:لا انت متستاذنش خالص عشان انا هرفض
كانو تقريبن وصلو بقرب النيل وكانت جنات تسمع محادثتهم وتدعي ان يمر هذا اليوم علي خير
علي:لاء انا وقت ما احب اشوفها هشوفها ووريني بئه هتمنعني ازاي
شريف:اتقي شري احسنلك
علي:تصدق خوفت الدم وقف في عروقي وقلبي هيطلع من مكانه يا عم ده انت شكلك بتخاف من خيالك اصلن
شريف بعصبيه وامسك بقميصه:اظاهر انك انسان قليل الادب
علي تعصب وامسك بقميصه ايضا:انت الي شكلك قليل الادب وعايز حد يربيك
شريف:انا متربي غصبن عنك
جنات بعصبيه وهيا تحاول تبعدهم عن بعضهم:انتو اتجننتو ولا ايه هتتخانقو في الشارع ابعدو بئه انتو كده هتعملولي مشاكل
شريف:استحاله اسيبه غير لما اربيه
تعصب علي كثير وكان سيضـ,ـربه ولكن بالخطا دفع جنات للخلف فوقعت جنات في النيل غارقه لا تعلم كيف تسبح
شريف وعلي في نفس الحظه:جناااات!!!!!

الفصل السابع عشر
شريف وعلي في نفس الحظه:جنات!!!!!!
جنات تحاول ان تتنفس ولكن انقطع نفسها وغرقت
زياد بعصبيه وخوف:حد فيكم بسرعه ينزل يجيبها
شريف:انا مش بعرف اعوم
علي:ولا انا بعرف اعوم
زياد بعصبيه:اتصرفو هتمـ,ـوت
ولم ينتظر علي ان يفكر ونزل بسرعه اليها
كان يجد صعوبه كبيره في التنفس ولكنه لم يكن في منطقه عميقه جدا فاستطاع اخيرا ان يمسك بجنات وحملها وجنات فاقده الوعي وخرج بصعوبه من النيل
شريف:الحمد الله اديني اشيلها
علي بسخريه:انا مش هديهالك لو كنت عايز تنقذها كنت نزلت من البدايه جنات بين اديه ابعد دلؤتي
زياد جري بسرعه اليها وضـ,ـربها علي وجهها بخفه حتي تفيق
زياد:جنات فوقي
فجاه استيقظت جنات وهيا تشعر بتعب واخرجت بعض الماء من فمها
جنات:كحح كححح
فتحت عيناها ببطئ ووجدت علي في وجهها وينظر اليها بقلق ايقنت جنات انه يحملها وانه مبلل
جنات بتعب:نزلني
علي:لاء انتي تعبانه ومش هتقدري تمشي
جنات:لو سمحت نزلني بجد الوضع ده غلط
استسلم علي لطلبها وانزلها
جنات وهيا تستند علي زياد:امشو
شريف:جنات انا
جنات:مش عايزه اسمع صوت حد فيكم لو سمحتم كل الي حصلي ده بسببكم
علي تعالي معايا عشان تغير هدومك دي وانت يا شريف روح
شريف:انا مش هسيبك وانتي
جنات:انا هبئه اكلمك لما ابئه احسن لو سمحت امشي
شريف وخلع جاكيت البدله ووضعها علي اكتافها:طيب خلي الجاكت عليكي عشان متبردي انا همشي
ثم نظر الي علي بحده:وانت غير هدومك وامشي علي طول
رجعو الثلاثه وكان علي وجنات متعبان بشده ولكن كان علي اكثر تعبن منها
الهواء البارد يشعره بالبرد وخاصتن وهوا مبلل
دخلو الثلاثه الي المنزل
سعاد بخوف:ايه ده ايه الي عمل فيكم كده
جنات بتعب:خالتو هقولك بعدين بس لو سمحتي طلعي اي حاجه عشان الاستاذ يلبسها وانا هدخل اوضتي البس
سعاد وهيا ما زالت خائفه:ماشي تعالي معايا يابني
دخل علي الي غرفة سعاد
سعاد:امسك الجلابيه دي
امسك علي بالملابس وهوا يفتح عينه بصعوبه
سعاد:مالك يابني شكلك تعبان
ثم وضعت يدها علي جبهته:ايه ده يابني شكلك حرارتك عالي تعالي في اوضة الضيوف وبات هنا انهارده
علي:لاء حضرتك ميصحش انا همشي
سعاد:لاء ازاي الاصول متقولش كده وانت في مقام ابني يلا انا هخرج غير هدومك وبعدين اديني هدوم دي اغسلها وانشفها وبكره الصبح روح
علي وادمعت عيناه فقد تذكر امه:متشكر اوي
خرجت سعاد وبدل علي ملابسه
وخرج وراه زياد
زياد:ايه ده لبست جلابية بابايا الله يرحمه
انصدم علي:ايه ده يعني انا لابس هدوم واحد ميت
زياد بسخريه:يعني هيركبك عفريت مثلن يلا تعالي ورايا اوديك اوضة الضيوف
ذهب علي ورائه ودخل غرفه بسيطه
زياد:يلا اتخمد
علي:متشكر
زياد:تصبح علي خير
علي:استني
زياد:في ايه
علي:هيا جنات عامله ايه دلؤتي
زياد:هيا الحمد الله احسن بس نامت
علي:ماشي
زياد :بقولك ايه
علي:ايه
زياد:هوا في حاجه بينكم
انصدم علي:لاء طبعن مفيش عيل زيك ازاي يفكر في كده
زياد:عيل ايه انا راجل
علي:ماشي ممكن تسيبني عشان ارتاح شويه
زياد:ماشي
خرج زياد والقي علي نفسه علي السرير وهوا يشعر بالتعب الشديد فحرارته بدات تذيد
في مكان تاني كان عماد عند اباه :اخبارك ايه دلؤتي يا بابا
فريد:الحمد الله كويس الدكتور قالك امته هخرج
عماد:ان شاء الله بكره
فريد:طب الحمد الله لكن هوا فين علي
عماد:لقيت رساله منه امبارح بيقولي انه مسافر كده لحاجه مهمه حاولت اتصل بيه موبايله مقفول
فريد:انت كده بتقلقني
عماد:انا كمان قلقان عليه بس ان شاء الله يكون كويس
فريد:يا رب
في مكان اخر
سعاد:زيااااااد ياااا زيااااد تعالي
زياد:ايوه يا ماما
سعاد:خد الكمادات دي وروح لاوضة الاستاذ علي وحطله كمادات
زياد:اوفففف حاضر
دخل زياد ووضع له الكمادات حتي انخفضت حرارته
في الصباح الباكر استيقظت جنات كانت تشعر بقليل من التعب غيرت ملابسها وخرجت من غرفتها وذهبت للصاله حيث توجد خالتها
جنات:صباح الخير يا خالتو
خالتو:صباح النور اخبارك ايه دلؤتي يابنتي
جنات:الحمد الله احسن
خالتو:هوا ايه الي حصل
جنات:وقعت بالغلط في النيل ونزل علي ينقذني
خالتو:باين عليه جدع اوي
جنات بابتسامه:فعلن يا خالتو
خالتو:ربنا يجعله من نصيبك
جنات بانصدام:ايه الي بتقوليه ده يا خالتو انا مفيش بيني وبينه اي حاجه
خالتو:يا سلام ياختي وليه ميبقاش فيه
جنات بابتسامه سخريه:عشان هوا من طبقه وانا من طبقه تانيه خالص هوا فين زياد
في تلك الحظه خرج زياد من غرفته:صباح الخير
خالتو وجنات:صباح النور
زياد:عجبك كده بسببك فضلت احطله في كنادات طول اليل وكنت بنام علي روحي
جنات باستغراب:ايه ده هوا علي كانت حرارته عاليه
زياد:اه بس نزلت الحمد الله
جنات:الحمد الله
زياد:ده صعب عليا اوي
جنات باستغراب:ليه مهو خلاص حرارته نزلت
زياد:مش عشان كده بس هوا لولا ستر ربنا كان غرق
جنات:غرق!!!!
زياد:اه هوا مبيعرفش يعوم
جنات:الحمد الله انه كويس
جنات في نفسها ياا للدرجاتي
زياد وهوا يغمز لها:واضح انه بيعزك اوي
جنات وترمي المخده في وجهه:اتلهي انت انا عايزه افطر انا جعانه
في هذا الوقت استيقظ علي
علي:صباح الخير
الجميع صباح النور
علي:انا متاسف اوي اني كنت بايت عندكم
سعاد:متقولش كده ده البيت بيتك
علي::ممكن بس هدومي عشان امشي
سعاد:طب اقعد افطر دلؤتس لحد ما اجيبلك هدومك للاوضه
علي:لا مش عايزه اتعبك
سعاد:متقولش كده جنات وديه المطبخ يفطر
جنات:حاضر اتفضل معايا يا استاذ علي
ذهب علي وراء جنات للمطبخ وجلسو هما الاثنان يفطرون
جنات بتردد:متشكره انك انقذتني
علي:انتي كويسه دلؤتي
جنات:الحمد الله وانت ؟
علي:الحمد الله
جنات:هوا انت ليه نزلت الميه وانت مش بتعرف تعوم
علي:شريف كان برضه مبيعرفش يعوم بس كان لازم حد فينا ينزل لاننا السبب في غرقك
جنات:متشكره اوي
علي:انتو ان شاء الله ناويين تتخطبو امته
جنات:انا لسه موافقتش عليه
علي:ليه ده حتي شكله كويس وبيحبك
جنات باحباط:معاك حق
علي:جنات
جنات:نعم
علي:انتي يعني ناويه تفضلي هنا كتير
جنات يهمك في ايه تعرف
علي:عادي بسال
جنات:لاء لازم ارجع عشان جامعتي
علي:عشان جامعتك بس
جنات:هيكون ليه تاني
علي:لاء ابدا ولا حاجه هترجعي ان شاء الله امته
جنات:يمكن بكره
علي:طب والصيليه الي انتي بتشتغلي فيها
جنات:لاء غيرت رايي مش هكمل فيها
علي بفرحه:يعني هتشتغلي معايا تاني
جنات: علي ممكن طلب
علي:اتفضلي
جنات:لما نرجع مش هشتغل معاك تاني واذا في يوم شوفتي اعمل نفسك مش عارفني كان بنا اتفاق وخلص مفيش داعي اننا نتكلم مع بعض تاني
انصدم علي من كلامها:انتي بجد عايزه كده
جنات:ايوه
شعر علي بالضيق وذهب دون ان يرد عليها
دمعت عين جنات
لبس غلي ملابسه وذهب وهوا في عصبيه شديده ولكن لماذا يتعصب فكان دائمن يتمني ان يخلص منها ولكن الان يريدها بجانبه
في مكان تاني
يوسف بعصبيه:يعني ايه الكلام الي انتي بتقوليه ده
هايدي بحزن:احنا لازم نفترق
يوسف:لكن ليه قولي بئه انك عايزه تطمعي في علي لوحدك
هايدي:اطمع فيه ايه بعد ما خسرت شركته
يوسف:اومال في ايه عايزانا نفترق ليه
هايدي:انا حبيت علي بجد التمثيليه بائت حقيقه انا بحبه
يوسف:نعم ياختي طب وانا مش كنا متفقين علي الجواز
هايدي بسخريه:انت عمرك ما حبتني اصلن تقولي حاولي تتجوزيه وتاخدي منه فلوسه اقولك حاضر تقولي لا خسريه احسن واحنا نكسب من خسارته اقولك حاضر بس انت طلعت بتعمل كل ده عشان طمعك
يوسف:يعني انتي ناويه تطالعيني من الحكايه دي بلوشي
هايدي:واعلي ما في خيلك اركبه سلام
ثم تركته وذهبت ويوسف يشعر بعصبيه
في مكان اخر ذهبت نور تقابل طارق في احدي الكافيهات
طارق:ها جبتي الصوره والموبايل
نور وتشعر بالحزن:اتفضل بس قولي انت ناوي تعمل ايه
طارق وهوا ياخذ رقم الهاتف وينظر لصورة جنات:كل خير يا حببتي

الفصل الثامن عشر
ذهب علي وهوا في قمة عصبيته لماذا تفعل معه هكذا لا يستطيع ان يفهم تصرفاتها
عند جنات جرت الي غرفتها تبكي حقا انها تحبه ولكن كيف انه استحاله ان يكونو لهم نصيبن مع بعضهم
وفجاه سمعت صوت الباب ينفتح
جنات وهيا تمسح دموعها:في ايه يا زياد
زياد:علي مشي
جنات:عارفه وده بسببي
زياد:ده مشي بالجلابيه
ده مغيرش هدومه
زياد:طب روحيله قوليله يغير هدومه
جنات:مهو خلاص مشي
زياد:لاء لقيته لسه بره
جنات:طب ما تروح انت
زياد:وانا مالي انا لاء روحيله انتي
جنااات:اوفففف طيب
خرجت جنات ولكنها لم تجده
جنات في نفسها :شكله مشي
رجعت جنات
زياد:هوا فين
جنات:مشي
زياد:والجلابيه
جنات:ابئه اوديله هدومه
زياد:طيب
ذهب زياد وقررت جنات ان تلم اغراضها وترجع
عند علي رجع الي البيت فوجد اباه وعماد
فريد بعصبيه:كنت فين وايه الي انت لابسه ده
علي:كنت في سفريه كده
عماد:سفرية ايه دي
علي:اصل واحد صحبي كان عيان اوي فضطريت اسافرله واروح اطمن عليه
هيا الساعه كم
فريد:الساعه ثلاثه
علي:حمد الله علي سلامتك يا بابا انا حطتلك فكرة مشروع جديده في مكتب حضرتك قولي رايك فيها
فريد:ماشي ادخل ارتاح وغير البس الغريب ده انت ليه
علي:اصل صحبي ده كان في الارياف
وصلت جنات للمنزل
سميه بعصبيه:مش مكني غورتي ايه الي رجعك
جنات:مش نقصاقي قصري معايا
سميه:لا يا حببتي تقفي تتكلمي معايا عدل فاهمه ولا لاء
نظرت جنات لها ببرود وذهبت الي غرفتها
سميه بعصبيه:انا مش بكلمك هنا
جنات جلست علي الارض واخرجت ملابس علي من حقيبتها وظلت تتاملها
وقطع شرودها دخول جنا واحتضنت جنات
جنا ببكاء:انا زعلانه منك
جنات:معلش يا حببتي سامحيني
جنا:انتي كنتي فين
جنات:كنت في الاريفا عند خالتو
ثم غمزت لها:وزياد بيسلم عليكي
جنا بخجل :بجد
جنات:ايه ده ومالك مكسوفه كده بقولك ايه انا هرةح مشوار كده بسرعه وجيالك
جنا:اوعي تتاخري لزعل منك
جنات:حاضر يا حببتي سلام دلؤتي
خرجت جنات وبيدها كيس فيه ملابس علي ذهبت الي الفيلا وقالت للخادمه
جنات:انا البودي جارد للاستاذ علي ممكن اروح اوضته
الخادمه :اتفضلي
ذهبت جنات لغرفة علي وكانت متردده انك تدق الباب وفي الاخر تشجعت لدق الباب
كان علي في هذا الوقت شارد وقطع شروده سمع باب غرفته يدق وانصدم عندما راي جنات امامه
علي:جنات!!!!!
جنات بتوتر:انت نسيت هدومك فجيبتهالك
علي باستغراب:انتي سافؤتي مخصوص عشان تجبيلي هدومي
جنات:لاء طبعن انا بس رجعت خلاص فا قولت اجبلك هدومك كمان بالمره عشان دي امانه
علي:طب استنيني تحت هغير هدومي وانزلك واجيبك الجلابيه
جنات:ماشي
نزلت جنات وانتظرته في الصاله وفجاه سمعت صوت يتكلم بسخريه
عماد بسخريه:جنات هانم جت حمد الله علي السلامه
نظرت له جنات بشمازاز ولم ترد عليه
عماد بحده:كنتي فين
جنات:وانت مالك
عماد:من حقي اعرف لانك هتبئي مراتك
جنات:ولا حتي في احلامك
عماد:ليه بئه ان شاء الله
جنات:لاني مش بحبك وعمري ما هحبك
عماد:بعد الجواز هتحبيني
جنات:انا عمري ما هتجوزك افضل امـ,ـوت ولا اتجوز واحد حيوان زيك
عماد بعصبيه:انا حيوان
وكان سيرفع يده ليضـ,ـربه ولكن امسكت جنات بيده لمتنعه
جنات بسخـ,ـريه:لو في حد لازم تضـ,ـربه يبئه اضـ,ـرب نفسك بس خليني اعمل ده بدالك
ثم ضـ,ـربته الم قوي
عماد باندهاش:انتي مديتي ايدك عليا
جنات:ياااه بقالي كتير مضـ,ـربتش وحشني الضـ,ـرب اوي
عماد كان سيرد عليها ولكن نزل علي وشعر بالضيق والغيره عندما راهم معا
علي:متشكر يا جنات اوي
جنات:ولا يهمك انا همشي دلؤتي
علي بابتسامه:اتفضلي
ذهبت جنات وصعد كل منىعلي وعماد غرفتهم
دخل علي وانصدم مما راه:علي يا نهار ابيض نسيت ادي الجلابيه لجنات
كان يريد ان يتصل عليها ولكن تذكر ان هاتفه وقع في الماء عندما حاول ان ينقذ جنات فذهب الي غرفة اخيه
في هذا الوقت كان عماد يكتب رساله لجنات وكان محتوي الرساله
ماشي يا جنات هدفعك التمن غالي اوي وهتجوزك غصب عنك هخليكي مذلوله واندمك علي رفضك ليا
دخل علي قبل ان يرسل عماد الرساله فاقفل هاتفه بسرعه
عماد بارتباك:في حاجه يا علي
علي:ويذهب سريعن ياخد الهاتف :معلش لازم اعمل مكالمله مهمه اوي
عماد وهوا يشد الهاتف منه:طب استني انا هفتحولك
علي:يابني عادي انا هفتحه
عماد خليني انا افتحه معلش
علي:يابني اوعي
واخذ علي الهاتف منه وفتح الهاتف وانصدم من الذي يقراه
انصدم علي وهوا يقراء محتوي الرساله
علي :ايه ده
عماد:ده ده
علي بعصبيه:ده ايه
عماد:ده شئ بيني وبين جنات انت متدخلش فيه
علي وامسك بقميصه:انت فاكر انك هتاذي جنات وانا هسكتلك
عماد:ابعد ايدك عني جنات هتتجوزني انا ومحدش هيقدر ياخدها مني فطلع نفسك انت من الموضوع ده
علي:لاء يا عماد انا الي هاخدها منك
صم دفع اخوه بقوه وخرج وهوا في قمة عصبيته
في الساعه الثانيه عشر منتصف اليل اوشكت جنات علي النوم ولكن سمعت صوت هانفها يرن
جنات:الوووو
علي:ايوه يا جنات انا تحت البيت انزيلي
جنات منصدمه:نعم ايه الي جابك عندي
علي:نسيتي الجلابيه
جنات:خلاص اخدها منك بكره دلؤتي متاخر
علي:متنسيش انك مقدمتيش استقالتك من الوظيفه يعني انتي لسه البودي جارد بتاعتي
جنات:علي انا عايزه انام تصبح علي خير
علي:لو منزلتيش انا هطلعلك
جنات بعصبيه:خلاص نزلالك
غيرت جنات ملابسها ونزلت اليه
جنات بعصبيه:نعم عايز ايه
علي:اركبي
جنات باستغراب:ليه
علي:اركبي بس
جنات:لاء قولي ليه الاول
نفذ صبر علي فامسك بيدها وادخلها بالسياره وركب بجانبهل وبدء بالقياده
جنات:احنا رايحين فين
علي :هتعرفي
وبعد عشر دقائق وصلو لحديقة اطفال صغيره
علي:يلا ننزل
نزلت جنات وهيا مستغربه جلسو هنا الاثنان علي احدي الكراسي
جنات:ممكن اعرف في ايه
علي:جنات انا
جنات:انت ايه
غلي:انا…. انا…..انا
جنات:انت علقت ولا ايه هنفضل طول اليل علي كلمة انا
علي:مش عارف اطلعها
جنات:امممم ابعتعا في رساله
علي:ميمفعش لازم تتقال
جنات:طب والحل
علي:مش عارف عايز اقولها بس كل ما الاقيكي جنبي تعلق معاي
جناات:طيب انا همشي لاني بجد تعبانه تصبح علي خير
تركته جنات وبدات تتمشي وهيا حقا محتاره وبعد ان بعدت عنه قليل وجدت هاتفها يرن
جنات:الووو
علي:بحبك
بحبك!!!!!! وقع الهاتف من جنات من كثر الصدمه
جنات:هوا قال ايه
جريت جنات الي الحديقه باقصي سرعه ووجدته ما زال هناك واقفن
جنات بارتباك:انت قولت ايه
علي:بحبك يا جنات
تلاقت بينهم النظرات طويلن لم يملو من تلك النظرات ولكن سادت لوقت طويل

الفصل التاسع عشر
جنات:انت بتقول ايه؟؟؟
علي ويبلع ريقه بصعوبه:بحبك يا جنات
جنات وضـ,ـربت نفسها كي تتحقق انها ليست تحلم:انت ازاي بتقول كده
علي:مكنتش قادر اقولها بس دلؤتي حسيت اني خلاص مش قادر اكتمها اكتر من كده
بدات جنات بالبكاء وظلت تضـ,ـرب كتفه بقوه:ليه جاي تقولي دلؤتي ليه مقولتليش من بدري ليه هليت كل حاجه صعبه عليا
علي:انا مش هتخلي عنك ابدا جنات انتي بتحبيني انا متاكد انك انتي كنان بتجبيني
جنات وما زالت ابكي:مينفعش مينفعش في حجات كتير اوي تخلينا مننفعش لبعض
علي بجديه:قصدك عماد
جنات باستغراب:قصدك ايه
علي:خايفه لاخسر عماد عشان بيحبك
انصدمت جنات:انت عرفت ازاي
عرفت:من ساعت ما اعترفلك انه بيحبك عشان كده محبتش اني اقولك اني بحبك
جنات بياس:وليه جاي تقولي دلؤتي مش خايف تخسر اخوك
علي:لاء انا خلاص خسرته
جنات واذداد بكائها:ازاي تفضلني علي اخوك انت مجنون
علي:ايوه هبئه مجنون لو فضلت واحد ندل زيه عليكي انتي عماد مش طيب اوي زي مانتب فاكره عماد ممكن يعمل اي حاجه حتي لو علي حسابي عشان بس ياخد الي هوا عايزه
جنات:بتتكلم كده وكانه مش اخوك
علي:من انهارده هوا مش اخويا
جنات:لالالا انا استحاله هسمح انك تخسره علشاني انسي الي انت قولتهولي وامشي
وكانت ستذهب جنات ولكن امسك علي بذراعها بقوه:عماد انا اكتر واحد عرفه صدقيني انا عمري ما كرهته اد انهارده مسالتيش نفسك انا ليه سكت لما شوفته وهوا بيعترفلك بحبه ليكي
جنات باستغراب:ليه
علي:عشان كنت فاكره بيحبك بجد عشان كده سيبته بس انهارده شوفت حاجه ومش مهم تعرفي ايه هيا لكن الي لازم تعرفيه ان عماد هياذيكي ومش اذيه ساهله عماد ممكن يسؤ سمعتك قدام الناس بس عشان يجبرك تتجوزيه
جنات:انت ازاي بتتكلم كده علي اخوك
صرخ علي بوجهها:متقوليش اخوك جنات قوليها بس مش عايز منك غير انك تقوليها
جنات ببكاء:مقدرش
علي:دي اخر فرصه بديهالك قوليها عشان خاطري
نظرت له جنات بعينان باكيتان لفتره طويله ابعدت يده ومشيت
مهما كان كره علي لاخوه لا تستطيع ان تجعله ياتذي فانها تعلم جيدا ان عماد سياذيه اذا احبت علي
نزر علي لجنات وهيا تذهب وشعر بالحزن والالم
تذكرت جنات تهديدات عماد لها توقفت عن السير وذاد توترها
قلبها:اجري الحقيه
عقلها:لاء انتي كده هتاذيه
قلبها:بالحب هتقدري تحميه
العقل:الحب لوحده مش كفايه
قلبها:انتي شجاعه وتقدري تواجهي اي حاجه عشانه
لم تتمالك جنات نفسها وجرت مره اخري لحديقة الاطفال ولكن لم تجده
تبجث بناظرها عنه ولكن لا اثر له فا جرت الي الامام ووجدته وهوا بمشي ويعطي لها ظهرها
ترددت جنات ولكن استجمعت شجاعتها في النهايه ونادت بصوت عالي:علييييي
توقف علي وذادت ضـ,ـربات قلبه انه يعلم هذا الصوت جيدا لا يريد ان يلق وجهه يخاف ان لا تكون جنات
جنات وتغمض عيناها بقوه:بحبك
اذدادت ضـ,ـربات قلب علي كثيرا ولف وجهه بسرعه اليها علي ويجري اليها:قوليها تاني انتي قولتي ايه
توترت جنات:انا قولتها خلاص تصبح علي خير
ذهبت بسرعه وجري علي ورائها وهوا مبتسم ابتسامه واسعه :استتي طيب هوصلك
جنات:لاء عيب توصلني في وقت زي ده وانا عارفه طريق البيت كويس ومتمشيش ورايا
علي:طب استني انت بتمشي بسرعه كده ليه هشوفك بكره
جنات:لاء ولا بعده ولا بعده
علي:ليه انتي مش قولتي انك بتح….
قاطعته جنات:متكملش الجمله انا قولتها مره وخلاص متسوقش فيها تصبح علي خير
ثم جرت بسرعه ونظر علي اليها بفرحه كبيره
دخلت جنات بهدوء ووجدت نور الصاله ولاحظت ان نور تجلس وكانت تبكي
جنات باستغراب:في ايه ايه الي حصل
نور:لا ابدا مفيش حاجه
جنات:مفيش حاجه ازاي عنيكي منفوخه من كثر العياط
نور:اصلي خايفه
جنات:خايفه من ايه اوعي يكون الي اسمه طارق ده كلمك تاني
نور بكذب:لا ابدا خالص
جنات:اومال في ايه
نور:خايفه بس لطارق يعمل حاجه ولا يرن عليا من رقم تاني يخليني
جنات:لو عمل كده ابئي خليني انا اكلمه
نور:هوا انتي كنتي فبن
جنات:هااا اصل كان عندي معاد مهم
نور:شكلك بتكدبي ومش عايزه تحكيلي هوا انتي لسه بتكرهيني
جنات:عمري ما كرهتك كل ما في الموضوع اني بحب بس متقوليش لحد
نور::مين وامته وازاي وفين
جنات:ههه براحه عليا مش دلؤتي عشان انا هتقتـ,ـل نوم نتكلم بعدين تصبحي علي خير
نور:وانتي من اهله
ذهبت جنات لغرفتها وتذكرت ما حدث بينها وبين علي ولكن لم تكتمل فرحتها فبدات تشعر بالخوف مما سيحدث بينه وبين اخيه
عند علي دخل علي المنزل وهوا في قمة سعادته ولكن فرحته لمت تكتمل عند سمع صوت شخص لا يطيقه
عماد بحده:كنت فين
علي يستفزه:كنت مع جنات
عماد:بتعمل ايه مع جنات
علي:مش قولتلك اني هاخدها منك
عماد:انت عملت ايه بالظبت
علي:اعترفتلها اني بحبها
انصدم عماد:انت ازاي تعمل كده يوصل حقدك بانك تمثل عليها
علي وهوا بقترب منه بكل برود:ومين قالك اني بمثل عليها
عماد:قصدك ايه
علي:بعني انا بحب جنان بجد وجنات اعترفتلي بحبها ليا
امسك عماد بقميص علي وهوا في فمة غضبه:انت كداب جنات مش بتحبك دي بتحبني انا
علي ببرود:ابئه اسالها بنفسك
ثم ابعد يده:تصبح علي خير
تركه علي وهوا يشعر بلاسي لا يكاد يصدق انه سيكره اخوه في يوم ولكن لم يصدق ايضا ان يصل حقد اخوه لهذه الدرجه
دخل غرفته ودخل في نوم عمييييق
في الصباح التالي استيقظ علي وهوا في قمة نشاطه انه استيقظ علي الساعه الرابعه والنصف لم يستطع النوم من كثر سعادته
بداء يقطر وغير ملابسه وعلي الساعه الخامسه والنصف اتصل بجنات كانت جنات ايضا مستيقظه باكرا وعندما سمعت صوت هاتفها ورات المتصل توترت كثيرا
جنات بتمثيل تقول بكسل وكانها نائمه:الووو
علي:انتي لسه نايمه
جنات بتمثيل:اه
علي:تمثيلك فاشل اوي
جنات باحراج:احم عرفت ازاي اني بمثل
علي:انا علي يا بنتي اقدر اعرف اي حاجه
جنات:تقدر تعرف الرومانه فيها كم حبايه
علي بحيره:لاء
جنات:يبئه متقدرش تعرف مل حاجه
علي:ماشي يا فالحه طب تعاليلي بئه في كافيه…. علي الساعه تمانيه
جنات:ليه
علي:غلاسه هيكون ليه يعني عشلن عايز اشوفك
جنات:ماشي سلام
وبعد ساعه كانت جنات في حيره حقا لا تردي ماذا تلبس
جنات:اوفففففففف
ثم جائت لها فكره ذهبت جنات لغرفة نور
جنات:نور جنا تعالو لاوضتي ثواني
نور باستغراب:ليه
جنات:تعالو بس
وبعد دقيقه ذهبو اليها
جنات :بصو بئه عندي معاد مهم ومش عارفه البس ايه
جنا باستغراب:من امتع بتحتاري تلبسي ايه
نور وتغمز لجنات:مهو اصله مش اي معاد
ضـ,ـربتها جنات في كتفها:هتساعدوني ولا لاء
نور:لا بما انه معاد مهم تعالي انتي اوضتنا
خرجو الثلاثه من الغرفه وجائت يسامين في خذا الوقت
ياسمين بسخريه:مالكو انتو التنين واقفين جنبها كده ليه
نور:مش وقتك يا ياسمين نتكلم بعدين
ياسمين:ايه الحب الي وقع عليكي ده ماشي انا هروح اقول لماما
جنا:قوليلها
ياسمين شعرت بعصبيه وذهبت
دخلو الثلاثه
نور:اقعدي
جنات باستغراب:انتي جبتيني اوضتك ليه
نور:احم جنا ممكن تجبيلي مايه
جنا:ما تروحي تجبيها انتي
نور:روحي بئه متبقيش غلسه
وذهبت جنا
نور:بصي بئه انا خرجتها عشان لازم تسمعي نصايحي
جنات باستغراب:نصايح ايه
نور:الرجاله كلهم عنيهم زايغه وتدب في عنيهم رصاصه عشان كده لازم تكوتي وراه لمين وشمال وتعرفي كل تفصيله عن حياته
جنات:ايه ده لاء طبعن هوا مش كده
نور:اسمعي الكلاك كلهم كده يا حببتي
جنات:طب دلؤتي انت هتعملي ايه
فتحت نور الدرج وانصدمت جنات من الذي تراه
جنات وهيا تفتح عيناها علي اخرهما:ايه كل ده
نور:يعني هيكون ايه مكياج
جنات:متقوليش انك ناويه تحطيلي ميك اب
نور:اه طبعن هحطلك
جنات:ليه ان شاء الله هوا انا رايحه اقابل توم كروز
نور:بصي انتي بتتكلمي ازاي بئه في بنت بتتكلم كده ما تروحي تديله المين احسن الله يكون في عونه بجد
جنات:قصدك ايه يعني انا مش بنت
نور:لاء بنت بس اي بنت بتحط ميك اب اي بنت بتتكلم باسلوب هادي مش صوتها يوصل لاخر فيصل
جنات:ده اسلوبي بئه ان كان عاجبه
نور:الهم ما طولك يا روح معلش يا حببتي اتنازلي انهارده واسمعي كلامي
دخلت جنا في ذلك الوقت
جنات بغير اقتناع:طيب ماشي
نور وبدات تضع الميك اب علي وجها كانت نور خبيره في تلك الامور وبعد نصف ساعه
نور بتفاخر:فتحي عينك
فتحت جنات عيناها ببطئ وانصدم وهيا تنظر في المراه
جنا:وااااووو جنات بئيتي اموره
نظرت جناتةلجنا بعصبيه:يعني انا كنت وحشه ولا ايه
جنا:لاء كنتي حلوه بس برضه كده حلوه
نظرت جنات قي المراه ولكن لم تشعر بارتياح:انا مش مرتاحه
نور:يووو تاني اسمعي الكلام بئه
جنات:طيب
نور:جنا روحي هاتي من الدلاب الفستان الازرق
جنات:ابه ده هوا انا رايحه فرح
نور:متقلقيش ده فستان خروج عادي
جنات:بس هلبس عليه جاكت
نور:ماشي
غيرت جنات :ملابسها
نور:واااو الفستان لايق عليكي اكتر مني
جنات:متشكره اوي يا نور يلا سلام بئه
نور:استني هنا رايحه فين
جنات:في ايه تاني
نور:هتخرجي بشعرك كده
نور:لاء خلينا اعملهوك بالمكوي
جنات:انا حاسه اني شكلي كده اوفر وان الكل هيبص عليا
نور:ممكن بئه تسمعي الكلام المرادي بس
جنات:طيب
بدات نور بكي شعرها وجعله مموج
نور:يلا روحي قابلي الجو
جنات:انا لو ده يوم فرحي مكنتش هعمل كده
نور:روحي بئه ولما ترجعي ابئي احميلي كل حاجه بالتفصيل
جنات:بعينك احكيلك حاجه
ذهبت جنات بسرعه
وكان علي ينتظرها في الكافيه ويشرب القهو
اقتربت اليه جنات
صباح الخير
علي باستغراب:صباح النور مين حضرتك
جنات:انا جنات
علي واوقع القهوه عليه من كثر الصدمه:نعم جنات!!!!!!
جنات:اه في ايه
علي:احلفي انك انتي
جنات:وتجلس في ايه يا علي مالك
علي:ايه النيولوك الجامد ده جنات
جنات:احم دي اختي الي اصرت تعمل فيا كده
علي وما زال لا يستوعب ما يراه:ايه التغيير المفاجئ ده
جناات:اممم مش عارفه اقولك ايه
علي:عايزه الصراحه
جنات:اه
علي:من غير مكياج احلي
انصدمت جنات:بجد
علي:بجد شكلك الاولاني في نظري احلي
جنات:طيب اقوم اغسل وشي بئه
علي:لاء انا عايز شكلك كده
جنات باستغراب:مش لسه قايلي ان شكلي الاولاني احلي
علي:اه بس انتي انهارده غيرتي شكلك عشاني عايز افضل ابص فوشك فافتكر دايمن انك عامله ده عشاني
جنات بتوتر:اصلن مش عملاه عشانك انا قولت بس اغير شويه
قامت جنات بسرعه وذهبت الي الحمام لتغسل وجهها وابتسم علي لما فعلته
رجعت جنات مره اخري
علي:هااا بئه تشربي ايه
جنات:رومان
وبعد دقائق جاء الرومان
جنات:بقولك ايه يا علي
علي:هممم
جنات:انا سمعت ان انت وعماد اخوات من الاب بس
تضايق علي:بصي يا جنات ممكن ناجل كلام في الموضوع ده
جنات:اوك
علي:تعالي نروح الشركه هوريكي حاجه حلوه
جنات ماشي
عند طارق كان يجلس مع صديقه حسن
حسن وهوا يشرب الشاي:يابني غلبتني قولي بئه ناوي تعمل ايه
طارق:مش عارفه بس انا عايز استغل الصوره والرقم بس مستني شويه كده
حسن:انت عايز ايه منها
طارق:عادي عايز بس انتقم من نور عن طريقها
حسن:ازاي
ارق:هخلي كل الناس تعاير نور باختها
حسن:وانت ازاي هتعمل كده
طارق:مش عارف بس لسه بفكر
حسن:ماشي بس لو عوزت اي حاجه رقبتي
طارق:يلا قوم هاتلي شاي تاني
حسن:ماشي
عند علي وجنات دخلو المكتب
كانت هناك مكتبه صغيره في المكتب ذهب علي اليها واخذ ملف منها واعطاه لجنات
جنات باستغراب:ايه ده
علي بتفاخر:ده في كل حاجه عني وعن انجازاتي
جنات:انجازات ايه بلا نيله ده انت طلعت من الكليه بمقبول بالعافيه
علي باستغراب:وانتي عرفتي ازاي
جنات:باباك قالي قبل كده
شعر علي بالاحراج:امسكي وخلاص
جنات بابتسامه ماشي
قتحت جنات الملف وجلست وبدات تقراء فيه وانصدمت عندما قرات ما في اول صفحه نظرت جنات الي علي بانصدام كبير لا تصدق ما تقراه

الفصل العشرون
بدات جنات بقراءة الملف وانصدمت من الذي تقراه بدات تنظر جيدا
للملف لعلها تجد غير ما تراه ولكن كيف ذلك وجدت ان ام علي اسمها ذينب
ولكن كيف انها حقا تتذكر ان عماد اخبرها بان امه اسمه ذينب
نظرت جنات لعلي:علي
علي وكان يقراء بعض الاوراق ثم نظر اليها:نعم
جنات:هيا ماماتك اسمها ايه
علي:اسمها فاطمه ليه بتسالي
جنات:بص كده في الملف هنا
نظر علي الي الملف وكانت تنتظر جنات منه ان يتعجب او يندهش ولكن لم تجد شئ من ذلك
علي:اقعدي يا جنات
جلست جنات
علي:انتي دلؤتي لازم تعرفي الحقيقه دي بس توعديني متقوليش لاي مخلوق
جنات:اوعدك قول
علي:انا
جنات:انت ايه
علي:انا ابن زنا
صعقت جنات من الذي تسمعه:ايه!!!!!! انت لا يمكن تكون بتتكلم بجد
علي:لاء بجد يا جنات
جنات:بس ازاي عماد فهمني ان باباك اتجوز علي مامته فا ازاي تكون انت ابن زنا
علي:اضطر يكدب عليكي مهو مش معقوله هيفضحني قدامك
جنات:وبعديين
علي:امي كانت عشيقتة بابا بس معرفش ليه بابا متجوزهاش من رغم انه قالي انه بيحبها
جنات:طب وليه مرات ابوك متسجله بانها مامتك
علي:مهو دي الطريقه الوحيده الي بابا يخفي بيها انه كان بيخون مراته لو كان حد من عيلته عرف مكنوش هيرحموه
جنات:ومرات ابوك وافقت
علي:اه وافقت لان ابويا هددها بانه هيطلقها وياخد ابنها منها لو رفضت
جنات:انا مش قادره اصدق
علي:في حاجه اخيره
جنات:ايه هي
علي:انا مش متاكد فعلن اذا كانت ماما عشيقته ولا لاء بس هي ماتت وهيا بتودلني
جنات:طب مفيش حد من عيلتها كان عارف حاجه بالموضوع ده
علي:ماامتي كانت مقطوعه من شجره اتربت في الملجاء منعرفش ليها اهل
جنات:وانت ازاي موافق انك تكون ابن واحده تانيه
علي:لان امي متشرفنيش انها تكون امي
جنات:بس هي في الاخر امك غصبن عنك
علي:جنات ارجوكي قفلي علي الموضوع ده اناةبس حكيتلك لانه من حقك تعرفي
جنات:ماشي يا علي انا ماشيه
علي:استني انتي رايحه فين
جنات:همشي
علي:تمشي ده ايه في حجات كتير محتاجين نتفق عليها
جنات باستغراب:حجات ايه
علي:تتجوزيني؟؟؟
جنات انصدمت منه وشعرت بالاحراج الشديد وشعرت بالفرحه الكبيره ولكن لم تكتمل فرحتها لانها لا تستطيع الزواج دون ان يستيقظ اباها
علي:جنات روحتي فين
جنات:مش عارفه اقولك ايه بس مش هينفع نتجوز دلؤتي
علي باستغراب:ليه
جنات:هتطلب ايدي من مين
علي:من باباكي طبعن
جنات:انا ابويا فاقد الوعي بقاله سنه
علي:عارف
انصدمت جنات:عرفت ازاي
علي:مش قولتلك اني اقدر اعرف كل حاجه بس ده مش سبب يمنعنا اننا نتجوز
جنات:لاء سبب لاني مقدرش اتجوز الا لما بابا يفوق
علي:طب حتي نعمل خطوبه
جنات:لاء يعني لاء
علي:يوووووه طب تعالي
امسك علي بيدها ونزلو من الشركه وركبو السياره وبدء علي بالقياده
جنات:ايه ده احنا رايحين فين
علي:هروح المستشفي اطلبك من باباكي
جنات:لكن
علي:مفيش لكن اسمعي الكلام بئه
جنات:ايه ده انت هتبدء تعيش في دور سي السيد ولا ايه
علي:كان نفسي الصراحه بس مش لايق عليكي دور امينه عشان كده مش هعرف اعيش الدور
جنات:رخم
علي:مش ارخم منك يا روحي
جنات:خلصت روحك
وبعد دقائق وصلو للمستشفي ودخلو غرفته
علي وهوا يمسك بيد والد جنات:احم احم عملي انا يشرفني اطلب ايد بنت حضرتك الانسه جنات اه طبعني يا عمي هحطها جوا عنيا يعني موافق الف الف مبروك نقرا الفاتحه
جنات:ايه ده هوا بابا كان قال موافق
علي:بصي لعينه بتقول انه موافق يلا اقري الفاتحه
جنات:انت يابني وبالنسبه لباباك مش هتقوله
علي:اه صحيح لمو اغذه يا عمي المره الجايه ان شاء الله هجيب بابا ونقرا الفاتحه كلنا يلا سلام
يلا بينا يا جنات
جنات:علي انا بتكلم جد انا استحاله اتجوز طول ما بابا في الغيبوبه
علي:يا جنات قراية فاتحه بس يلا بينا علي البيت نروح نقول لبابا
جناات:اممم طيب
وذهبو الاثنين للبيت
علي:جنات استنيني هنا لحد ما اطلع لبابا واقوله
انتظرت جنات في الصاله وذهب علي لغرفة اباه
في هذا الوقت دخل عماد المنزل
عماد:جنات!!!!!!
نظرت جنات لعماد ببرود ثم ادارت وجها
عماد:ايه الي جابك
جنات:ملكش دعوه
عماد:انتي فعلن بتحبي علي
جنات:ايوه
عماد بعصبيه:علي الي كل يوم مع واحده شكل تحبيه وتسبيني انا
جنات:.انت فاكر نفسك انسان كويس
عماد:ايه الي في علي زياده عني ايه الي مش عجبك فيا
جنات:حجات كتير اوي علي كان مستعد يخسرني لكن ميخسركش لانه كان عارف من الاول انك بتحبني لكن مرضاش يعترف بحبه ليا عشان ميخصركش
عماد:وده اكبر دليل انه مش متمسك بيكي
جنات:واكبر دليل برضه انه مخلص ليك لكن انت عايزني حتي لو انا مش عيزاك علي حبني من قلبه
عماد:وانا كمان حبيتك من قلبي
جنات:انت محبتنيش اصلن ولو حبتني زي ما بتقولي يبئه انت حبتني بعقلك مش بقلبك
عماد بسخريه:علي عمره ما هيحبك اكتر مني
جنات:علي حبني لدرجة انه لما شافني بغرق قدامه في المايه نزل ينقذني وهوا مبيعرفش يعوم مكنش همه انه يغرق لكن همه اني اعيش
وانه يحبني للدرجه دي ده بالنسبالي كفايه اوي
عماد:ماشي يا جنات انتو الي جبتوه لنفسكم محدش يجي يلومني بعد كده
عند علي واباه
فريد بعصبيه:انت اتجننت عايز تتجوز واحده كانت بتشتغل عندك
علي:بابا جنات بنت كويسه جدا ومحترمه غير كده انها انسانه متعلمه وكونها انها تشتغل عندي ده ميعبهاش
فريد:الكلام ده بيتقال بس لكن قدام الناس مش بيشوفو غير بالشكل وبس
علي:يا بابا ارجوك
فريد:اخرس خالص
نزل فريد وهوا في قمة عصبيته واقترب من جنات
فريد:اسمعي ابني تبعدي عنه خالص واياكي تقربي منه فاهمه ولا لاء اتفضلي اطلعي بره
دمعت عينا جنات وجريت وهيا تبكي
:علي جنات استني
كان سيجري خلفها ولكن امسكه اباه:مش هسيبك تروح وراها اتفضل اطلع علي اوضتك
شعر علي بالاسي والحزن
كانت تجري جنات وتبكي بشده
رجعت الي المنزل ودخلت غرفتها واغلقت الباب عليها
في مكان ثاني احمد:هنعمل ايه دلؤتي شركته رجعت تكسب من تاني والي كانت
بتدينا اخبار الشركه اترفضت
حسام:خلاص ندور علي حد تاني غيرها
احمد:وهنديه فلوس منين
حسام:نبئه نحل المشكله دي بعدين خلي بنتك تعرف ماهي عارفه اخبار علي
احمد:اشوف
عند علي كان يجلس في غرفته ثم دخلت الخادمه
الخادمه:استاذ علي استاذ طارق مستنيك بره
علي:خليه يدخلي هنا
دخل عليه طارق بابتسامه واسعه:ايه يابني بقالك فترع طويله مختفي كده
ليه
علي:مفيش عادي
طارق:مالك يابني في ايه
علي:انا في مشكله مش عارف اعمل ايه
طارق:مشكلة ايه احكيلي
حكي علي لطارق كل شئ بينه وبين جنات وكيف رفض اباه هذا الزواج
طارق:ايه معقوله جنات !!!!
علي:تخيل انا كمان مكنتش اتوقع اني هحبها لكن…. وسمع صوت هاتفه
علي: ثانيه واحد الووو
شعر طارق بالغيظ الشديد ولكن جائت في باله فكره وبدء يمثل الحزن
انهي علي المكالمه:ايه ده مالك في ايه
طارق بتمثيل:اصلي مش قادر اصدق اني انخدعت بسهوله كده
علي:قصدك ايه
طارق:دي جنات كانت مفهماني انها بتحبني
صعق علي من كلامه:نعم انت بتقول ايه انت اتجننت
طارق:صدقني دي الحقيقه حتي ادتني صورتها عشان افضل مفتكرها دايمن
علي ومسك قميصه:انت اكيد كداب جنات لا يمكن تعمل كده
طارق:لو مش مصدقني هيا هتجيلي بكره الساعه تسعه في ديسكو….. ابئه تعالي وهتلاقيها جيالي
علي:اذا طلعت بتكدب هيكون مـ,ـوتك علي ايدي اطلع بره
طارق:ماشي براحتك خليك كده مخدوع فيها وانا الي حبيت انقذك بس طلعت متستاهلش
ثم خرج طارق وهوا مبتسم ابتسامة نصر لانه متاكد مليون بالماه انه سياتي للديسكو ليتحقق من كلامه
ذهبت طارق منزله تاركن علي في حزن وهم كبير
اخرج طارق هاتفه واتصل علي جنات
عند جنات كانت جالسه حزينه شارده حتي قطع شرودها صوت الهاتف
جنات:الوووو مين معايا
طارق:انا طارق يا قلبي
جنات:انت جبت رقمي منين وبتتصل عليا ليه وعايز ايه
طارق:انا لما اعوز حاجه اجيبها يا حببتي المهم انا عايزك تجيلي بكره الساعه تسعه في ديسكو…..
جنات:انت باين عليك اهبل
وكانت ستغلق الخط ولكن اوقفها صوته
طارق:لو مش عايزه اختك تتفضح تيجي بكره هقولك بس موضوع مهم وتمشي
ترددت جنات
طارق:ها يا حببتي قولتي ايه
جنات:موافقه
اقفلت جنات في وجهه وبدات تبكي
عند طارق اتصل بحسن
طارق:ازيك عامل ايه بقولك ايه عايز منك خدمه رفيعه كده اسمع يا سيدي
في اليوم التالي عند الساعه التاسعه ذهبت جنات الي الديسكو وكان علي في طريقه الي هناك لا يكاد يصدق كلام طارق
دخلت جنات الي الديسكو وتشعر بالارتباك
حتي رات طارق وراها هوا الاخر واقترب منها
طارق:ايه الجمال ده
جنات:اخلص عايز ايه
طارق:مفيش حبيت بس اوريكي انك تقدري تكوني تحت امري في اي وقت فاحسنلك بلاش تكتري من حبوب الشجاعه دي
تعصبت جنات بشده وضـ,ـربه بالالم:انت فعلن سافل
في ذلك الوقت جاء علي وانصدم وهوا يراها مع طارق ولا حظ طارق ان علي يراهم من بعيد
طارق:بما انك ضرتبيني فا خليني اخد حقي من الضـ,ـربه دي
شد طارق جنات اليه وحـ,ـضنها بقوه
انصدمت جنات ولم يستطع علي ان يستوعب ما يراه اكثر من ذلك ولف وجهه

الفصل الواحد والعشرون
احتضن طارق جنات بقوه حتي لا تستطيع ان تبتعد عنه صعق علي مما راه لم يتحمل ان يرا اكثر ادار وجهه دفعت جنات طارق وضـ,ـربته
جنات بعصبيه:ايه الي عملته ده يا سافل
ضحك طارق بخبث:حبيت بس يا روحي اوقع بيينك وبين علي
جنات بدون فهم :يعني ايه
اشار لها طارق بعينيه علي علي نظرت جنات خلفها ووجدت علي وهوا يذهب وهوا في قمة غضبه جرت جنات وراءه
جنات:علي استني
علي وينظر اليها بغضب:مش عايز اشوف وشك مره تانيه ولا حتي صدفه فاهمه
جنات ببكاء:والله انت فاهم غلط انا
علي بصراخ:مش عايز اسمع صوتك واياكي تكلميني مره تانيه
ذهبت علي وقعت جنات علي الارض وتبكي بشده سمعت صوت ياتي خلفها
طارق:معلش يا كوكو تعيشي وتاخدي غيرها يا حببتي بس اوعدك انك لو احتجتي مني اي حاجه مش هعبرك يلا سلام بئه يا قلبي
ذهب طارق تاركن جنات في بكاء هستيري
طارق يتصل علي حسن وهوا يقود السياره:ها عملت ايه
حسن:كله تمام صورتلكو صور تحففه بس احنا هنعمل ايه بالصور دي
طارق:هنركب وش تاني غير وشي وهننشرها علي النت
حسن بتفكير:طب ما نركب وش علي علي الصوره بدل وشك
طارق:لالا انا كده صداقتي بعلي هتنتهي ومن غيره مش هيكون معايا فلوس اصرف بيها علي نفسي
حسن:وهوا هيعرف منين بس انه انت
طارق:علي اذكي مما تتوقع
حسن:يعني انزل الصور دلؤتي علي النت
طارق بتفكير:لاء استني شويه عايز العب بنور شويه وبعدين ابئه انشرها
رجعت جنات وهيا تبكي بكاء هستيري
كانت ياسمين في ذلك الوقت بالصاله وسمعت صوتها خرجت وانصدمت من شكلها
ياسمين:ايه ده الي حصلك في ايه
جنات:فين نور
خرجت نور من غرفتها:جنات مالك
نظرت جنات لنور بعصبيه:طارق جاب نمرتي منين
نور بارتباك:اصل انا
جنات:ليه عملتي فيا كده
نور:غصب عني كان عمال يهددني
ياسمين باستغراب:طارق مين
جنات:عمري ما هسامحك علي الي عملتيه فيا
جرت جنات لغرفتها والقت بنفسها علي الارض وظلت تبكي
عند علي دخل غرفته وظل يبكي لا يصدق انه انخدع بها يشعر بالحسره والحزن
تذكر اوقاته معها ولكن كيف تكون هكذا حتي الان لا يصدق انه خانته
في الصباح التالي في غرفة نور كانت تبكي تشعر بالذنب والخوف
وفجاه سمعت صوت هاتفها يرن
نور:الووو
طارق:وحشتيني اوي يا روحي
نور:عايز مني ايه تاني ما تسيبني في حالي بئه حرام عليك
طارف:يا حرام تصدقي صعبتي عليا وهتصعبي عليا اكتر لما انشر صور اختك وهيا في حـ,ـضن واحد والاقي الكل بيعايرك بيها ومحدش يرضي يتجوزك
نور:اه يا سافل
طارق:من غير طولة لسان لو عايزه تاخدي الصور تعاليلي البيت انهارده الساعه سبعه
اقفل طارق جلست نور وتشعر بالخوف وبالذنب اكثر اتجاه اختها
عند جنات صحيت بعد نوم عميق من كثرة البكاء علي صوت هاتفها
جنات:الووو
شريف:اذيك يا جنات
جنات:مين معايا
شريف:انا شريف
جنات:ايوه يا شريف في ايه
شريف:بقالنا كتير مبنتكلمش كنت عايز اقابلك
جنات:معلش يا شريف عندي ظروفي مش هقدر اقابلك
شريف:ارجوكي يا جنات
جنات:طيب هنتقابل فين
شريف:في كافي…..
جنات اوك ساعه وجيالك
غيرت جنات ملابسها وخرجت ولكن نست هاتفها
عند نور كانت جالسه في حيره اتذهب اليه ولكن هذا لن يرضي الله ولكن اذا نشر صور اختها ستكون هيا السبب قررت نور الذهاب لغرفة جنات دخلت نور الغرفه ولكن ام تجدها كانت ستخرج ولكن سمعت صوت هاتق جنات يرن
نور:الووو
علي:مين معايا
نور:انا اخت جنات مين حضرتك
علي:انا علي هيا جنات فين
نور:ممكن الاول حضرتك تقولي انت تقربلها ايه بالظبت
علي:مديرها في الشغل
نور بشك:هوا حضرتك قبلتها من يومين كده
علي باستغراب:اه ليه
نور:ايه ده انت حبيبها بئه طب وليه مكسوف تقول مانا عارفه ان جنات بتحبك
علي باستغراب وعرفتي ازاي
نور:هيا قالتلي انها بتحب واحد وقالتلي انها رايحه تقابل حبيبها من يومين
علي:بس انا مش حبيبها
صعقت نور:انا اسفه جدا كنت فكراك حبيبها معلش انا لساني كده متبري مني
علي:لاء مانتي مغلطيش الي قولتيه صح بس خلي الي قولتيه ده كفعل ماضي
نور بدون فهم:يعني ايه
علي:يعني انا مبقتش حبيبها
نور:ليه
علي:لاء انا اسف دي خصوصيات مقدرش اقول
نور بعصبيه:يعني ايه خصوصيات انا اختها ومن حقي اعرف
علي:طب ما تعرفي منها
نور:لاء مينفعش لانها زعلانه مني جدا ومش هترضي تحكيلي كده بسهوله
علي:احنا طولنا في المحادثه اوي ومعتقدش ان ده يصح
نور بخجل:اه عندك حق بس حضرتك تحب ابلغها بحاجه
علي:ممكن بس تعملي لرقمي بلوك علي موبايلها
نور:لاء مش هينفع لانها عامله لموبايلها باسورد
علي:ماشي طب بلغيها تعمل لرقمي بلوك
نور:هوا انت الي سبتها
علي:سلام
نور بخجل:سلام
نور في نفسها انا غبيه ازاي ارغي معاه كده
عند جنات ذهبت الي شريف في الكافيه
شريف:اذيك يا جنات اقعدي
جنات وهيا تجلس:انا الحمد الله وانت
شريف:الحمد الله بخير طول مانتي بخير
جنات:خير يا شريف طلبتني ليه
شريف:جنات احنا موضوعنا طول اوي يعني مش المفروض نتخطب رسمي ولا ايه
جنات:معاك حق موضوعنا فعلن طول
شريف:يعني موافقه نتخطب
جنات وهيا تبتلع ريقها بصعوبه:ايوه
شريف بفرحه كبيره:طب يلا بينا
جنات باستغراب:علي فين
شريف:هوديكي لاهلي اعرفهم بيكي دي امي ست طيبه اوي ونفسها تشوفك
جنات:طيب
ذهب شريف وجنات للمنزل دخلت جنات
شريف:ثانيه واحده هروح اجيب ماما
جلست جنات لا تصدق انها وافقت عليه هل تسرعت ام هذا هوا القرار الافضل لها
قطع شرود جنات صون مراه كبيره
ام شريف:اذيك يا بنتي عامله ايه
جنات بابتسامه مجامله:الحمد الله يا طنط حضرتك عامله ايه
ام شريف:انا الحمد الله اتفضلي اقعدي
جلسو جميعن
ام شريف:انتي متعرفيش شريف ده بيتكلم عنك ازاي ليل نهار بيتكلم عنك شوقني اني اشوفك
جنات:ربنا يخليكي يا طنط
ام شريف:ها يابنتي عايزين نفرح بيكو بئه انا عارفه ظروفك وان ابوكي في غيبوبه بس يعني مينفعش نوقف حياتنا عشان حجات تانيه القظر كتبها
علينا
جنات:حددو الوقت الي يعجبكم
شريف بحماس:ايه رايك في يوم الخميس الجاي
جنات:موافقه بس تكون خطوبه علي الضيق وتكون في بيتك
شريف:اكيد طبعن معنديش مانع
ام شريف وهيا تقبل جنات:الف الف مبروك يا حببتي انا برضه سالت عليكي ولقيتك انسانه محترمه اوي مش هلاقي منك اتنين
جنات:ربنا يخليكي يا طنط معلش انا لازم امشي عشان بس تعبامه شويه
ام شريف:تمشي فين لازم تتغدي معانا
جنات:ان شاء الله المره الجايه
ام شريف:ان شاء الله نورتينا يا بنتي
جنات:عن اذنكم سلام
ذهبت جنات وتشعر بالحزن ولكن لعل شريف ينسيها ظلم علي لها
دخلت جنات المنزل ووجدت نور في الصاله تنتظرها
نور:جنات عايزه اتكلم معاكي
جنات ببرود:عايزه ايه
نور:هوا مش الي بتحبيه برضه اسمه علي
جنات باستغراب:ايوه لكن انتي عرفتي ازاي
نور:اصله اتصل وانا ذضيت عليه فالكلام خد بعضه
جنات بلهفه:طب وكان عايز ايه
نور بتردد:عايزك تعمليله لرقمه بلوك
شعرت جنات بالظلم اكثر منه وتالم قلبها كثير
نور:هوا انتو ليه سبتو بعض
نظرت جنات الي النور:انتي السبب لكن برضه الحق مش عليكي الحق عليه هوا الي صدق طارق ومصدقنيش
نور بانصدام:هوا يعرف طارق
جنات:ايوه دول اصحاب
نور:جنات ارجوكي سامحيني
جنات:هششش مش عايزه اسمع حاجه عايزه افضل لوحدي
تركت جنات نور وذهبت لغرفتها في الساعه السابعه لبست نور وهيا بقلبها خوف كبير
نور:ماما انا خارجه
سميه:انتي رايحه فين
نور بكذب:اصل واحده صحبتي تعبت اوي وعايزه ازورها
سميه:ماشي لكن متتاخريش
نور:حاضر خرجت نور واقتربت من منزله واتت اليها فكره وقبل ان تصعد نور لمنزله دخلت الي صيدليه
نور:سلام عليكم
الصيدلي:وعليكم السلام
نور:انا عايزه سيلف دفينس
الصيدلي:اي نوع
نور:لاء مش عارفه بس اسمع ان في الرشاش الي بيترش في العين ده
الصيدلي:اوك انا عرفت طلبك
اشترت نور الرشاش ووضعته في حقيبتها وصعدت الي منزل طارق
دقت نور علي جرز الباب وفتح لها طارق بابتسامه خبث
طارق:ادخلي
دخلت نور وتشعر بخوف كبير
طارق:انتي وحشتيني اوي لازم اعمل كده يعني عشان
نور وهيا تبتعد عنه:فين الصور
طارق:وانتي فاكره اني هديهالك بسهوله كده اكيد انت عارفه ايه المقابل
نور:اه يا واطي لو مدتنيش الصور دلؤتي انا هبلغ عنك وهلبسك تهمه
طارق:يا ريت يا حببتي تلببسيني تهمه عشان افضحك انا عند اهلك
نور:انا ماشيه
طارق:استني هنا انتي مش هتخرجي من هنا خلاص
نور:ابعد يا حيوان
طارق:طولت لسان مش عايز
اخرجت نور بسرعه الرشاش ورشت في عينه
طارق:اااااااااه
خرجت نور بسرعه تجري وهيا تبكي بكاء شديد رجعت المنزل ودخلت غرفتها
نور:يا ربي اعمل ايه انا دلؤتي
ظلت نور تفكر وتفكر حتي اتت لها فكره
في الصباح التالي