عمي
لبارت الاول ********* بشقة بحى شعبي ينم عن ساكنيها على درجة عالية من الرقى والبساطة فهى مرتبة بشكل رائع ومرتب يقف شاب يحـ .ــادث زوجته بكل وقاحة
-خليكى اصيلة لحد الاخر يا بنت الناس وروحى لامى ولا لامك يخدموكي وسيب الشقة علشان اتجوز فيها
لتنظر اليه بصدمة والم فهو لم يراعى مرضها ولا الم العلاج الذى ياكل فى جسدها سقطت الدموع من عيونها حسرة على عمرها وعلى حالها ليستكمل حديثه
-انتى يا بنت الناس ميته ميته محدش بيخف من المرض ده وبعدين لو حتى خفيتى مش هينفع تخلفى تانى وانا عايز عيال وعزوة عايز ولد اعمل بيهم ايه بناتك دول
ثم يتركها ويرحل يتركها وهى محطمة بالكامل كيف لزوجها الذى حارب ليتزوجها ان يفعل بها ذلك كيف لذلك الذى من المفترض ان يكون امانها وسندها ان يكسرها بهذا الشكل لتجلس على اقرب مقعد وهى تنظر الى الفراغ ذلك الفراغ الذى تشعر به تتذكر كيف كانت حياتها وكيف صارت تتذكر تلك الفتاة البريئة الرقيقة التى كانت فهى تلك الفتاة الجميلة وحيدة والديها لتحدث نفسها – انا آية نعم اسمى آية والجميع يرى انى آية فى الجمال والطيبة والادب لكن هذا كله لم يشفع لي عند من سلمته حياتى نعم اتذكر عندما حصلت على شهادة الثانوية العامة وكيف كان سعيدا بي مثل ابى وامى فلاش باك -الف مبروك يا ابو آية مبروك نجاح الاستاذة -الله يبارك فيك يا مجدي يابنى -ان شاء الله يا عمى اجى انا وامي النهاردة نبارك للاستاذة انت عارف امي بتحبها اد ايه -تنوروا يابنى طبعا دى الحاجة هى اللى مربيها مع امها منتظرنكم ليمر الوقت ما بين التهانى والزيارات حيث ان الاستاذ عبد المحسن والد آية هو وزوجته لم يتركوا مناسبة لاحد من جيرانهم الا ويجاملهم لذلك الكل كان سعيد لفرحتهم بآية وفى المساء اتى مجدى ووالدته -مبروك يا ابو آية -الله يبارك فيكى يا ست ام مجدى شوفتى آية كبرت وهتدخل الجامعة -ربنا يفرح قلبك بيها عقبال ما تشوفها احلى عروسة -ان شاء الله يا ام مجدى بس اشوفها محامية زى الاستاذ عادل كده ده حلمى -ربنا يفرح قلبك وتشوفها اشطر محامية بس البنات ملهاش بردوا الا الجواز -دى لسه صغيرة -طب ايه رايك فى مجدى ابنى اهو تربية ايدك بردوا وهو رايدها ومش هيحرمها من العلام ولا انها تكمل بالعكس -الكلام ده سابق لاوانه وبردوا عمرى ما هلاقى زى مجدى ابن حلال كفاية انه تربيك -تسلم يا ابو آية فكر يا خويا فى الكلام وربنا يعمل اللى فيه الخير تمر الايام وآية تلتحق فعلا بكلية الحقوق ومجدي ووالدته يلحون فى زواجه منها ومع الحاح تهانى والدة آية رضخ عبد المحسن لذلك على شرط ان تتم الخطبة والزواج بعد ان تنهى عامها الاول وبالفعل يتحدد الموعد ويقوم عبد المحسن بدعوة الاستاذ عادل وزوجته وكذلك ابنه عمر وزوجته سما -منتظرينك النهاردة يا استاذنا -ان شاء الله يا عبده وانا اتاخر على آية ولو انى شايف انك مستعجل اوى على جوازها دى لسه صغيرة -اعمل ايه فى امها قاعدة تزن عايزة تطمن عليها دى بنتنا الوحيدة وانت عارف جت بعد شوقة واحنا كبار فى السن عماله تقول لو حصل لينا حاجة مين هيكون سندها -كبار ايه يا راجل انت عايز تكبرنا ولا ايه -ياه يا استاذنا انا بشتغل مع حضرتك من ثلاثين سنة تقريبا من اول مكتب حضرتك فتاحته -اه يا عبده فاكر المكتب الصغير اللى كان عندكم فى الحارة كنت انت قايم بكل حاجة عمري ما انسى تعبك معايا من اول ما بدات لغاية ما بقى اسم عادل الجيزاوى زى الطبل انت كنت نعم الاخ يا عبده -يا استاذنا متقولش كده هى العين تعلى عن الحاجب -وانت عندك شك انى مش بعتبرك اخويا -لا الشهادة لله حضرتك كنت دايما جنبى احسن من الاخوات ربنا يديم المحبة -طب يا راجل يا طيب خد المبلغ ده علشان حفلة الخطوبة انا عايز آية تكون مبسوطة ليحاول عبد المحسن الاعتذار عن اخذ المبلغ -خيرك سابق يا استاذنا كل حاجة اتحضرت خلاص -خلاص ادى المبلغ لآية هتحتاجه فى جهازها ولو عايز حاجة انا موجود ليطرق باب المكتب ويدخل عمر ابن الاستاذ عادل ويعمل معه فى المكتب – مبروك يا راجل يا طيب وعقبال ما تفرح باولادها -تسلم يا استاذ عمر وهننتظرك النهاردة -ربنا يسهل يا عم عبده انت عارف سما من يوم ما ادهم باشا شرف وهى حبسانا فى البيت خايفة عليه -ربنا يبارك فيه وتشوفه عريس -تسلم يا عم عبده بارك لآية وللست ام آية وان شاء الله احاول اجى مع الوالد لياتى حفل الخطوبة وجميع الحضور بين راقص ومهنئ لتلك الجميلة ولزينة شباب الحارة وبالفعل ياتى الاستاذ عادل وابنه ليقدم التهانى وعندم يتقدم عمر للتهنئة -مبروك يا آية -الله يبارك فيك يا استاذ عمر عقبال ادهم -مبروك يا استاذ ربنا يتمم لكم بخير ليرد عليه مجدى بغلاظة -الله يبارك فيك يا استاذ شرفتنا ليتعجب عمر من طريقته وينصرف وبعد ذلك يحدث مجدى آية بحدة يحاول ان يداريها لكى لا يلفت الانظار -مين ده كمان -ده الاستاذ عمر ابن الاستاذ عادل اللى بابا بيشتغل عندهم طول عمرى وهما مثلى الاعلى نفسي ابقى محامية شاطرة زيهم من كتر ما بيحكى بابا عليهم وعلى امانتهم -طب خلاص اسكتى مش عايز اسمع سيرتهم تانى وتمر فترة الخطوبة مع غيرة مجدي وبمجرد ما انتهت امتحانات العام الدراسي الاول حتى الح على اتمام الزواج وبالفعل تم الزفاف واصبحت آية فى بيت مجدى وبعد الزواج بدأت تظهر نوايا مجدى ولم يسمح لها ان تتم دراستها الاول بحجة انها حملت فى ابنتهم الاولى وبعد ذلك ان الطفلة محتاجة رعاية واخير افصح عن ما يعتمل عليه ص*دره عندما حدثه عبد المحسن ووالدته اكثر من مرة لكى تكمل آية دراستها لكنه فى النهاية صرح لآية -انا يا بنت الناس مش موافق انك تكملى كليتك -ليه بس يا مجدى مش ده اللى اتفقت عليه مع بابا -اه ورجعت فى كلامى -ليه بس انا بحب دراستى ونفسي اكمل ومش ههمل لا فى البيت ولا فى بنتى -وانا قولت لا يعنى لا -ما انت كنت موافق من الاول ايه اللى حصل -كنت بسايس ابوكى علشان يوافق على الجوازة عايزة تكملى تعليم وتبقى محامية وتنزلى تشتغلى وفى الاخر تستع*ري من انك متجوزة واحد ميكانيكى -انا يا مجدى تفكر فيا كده -خلاص خلصنا ده اخر كلام عندى ومش عايز كل شوية زن على الموضوع ده واعملى حسابك انك تسيبي نفسك انا عايز ولد شدى حيلك كده وهاتى الولد ونبقى نتكلم يلا يا قمر انتى وحشانى لتنظر له آيه بتعجب والدموع فى عيونها من تحوله المفاجئ وكيف انه يربط مستقبلها بانجابها ولد كأن انجاب الولد او البنت بيدها هى باك… لتعود من تذكرها تلك الفترة من حياتها لتجد بناتها الاثنتين يبكيان بجوارها لتقوم وتحتضنهما ثم تسمع طرق على باب منزلها لتقوم بنهزام لتفتح لتجد حما*تها او امها الثانية نعمة وما ان تراها بتلك الحالة حتى تاخذها بين احضانها تحاول تهدئتها لتعلم ما بها لتطلب آية من طفلتيها اريج وآسيا ان تدخلا غرفتهم لمشاهدة التلفاز وبالفعل نفذت الطفلتين طلب والدتهما ثم جلست آية تحكى لنعمة كل ما قام به مجدى لتجلس نعمة فى حالة ذهول مما قام به ابنها -معقول يا بنتى مجدى طلب كده لا اكيد فهمتى غلط ولا حاجة ده مجدى روحه فيكى من وانتى عيلة بضفاير كان كل ما يشوفك مع امك يقول آية هتبقى عروستى -لا يا ماما مجدي اتغير من فترة اتغير من يوم ما ولدت آسيا وهو على طول متعصب ومضيق حتى مش بيحاول يقرب لبناته وكل اللى عليه انتى خلفتك بنات وانا اعمل بيهم ايه لغاية ما ظهر تعبي والكلام بقى حاجة تانية كل يوم والتانى هنفضل فى التعب ده على طول كل يوم والتانى نز.يف وقر.ف ايه متشوفى حل ولما اتاكدنا من الدكتورة ان اللى عندى احتمال يكون المرض الوحش بقى مفيش على لسانه الا انا شكلى اخدت مقلب فى الجوازة دى حد بصصلى فى ام الجوازة اما بقى لما اتاكد بدل ما يخدنى فى حــ . ــضنه ويطبطب عليا ويهون عليا الا.لم والوج.ع والخ.وف لا اول حاجة سال عليها ايه اللى هيحصل هتشيلوا الرحم يعنى مفيش خلفة تانى ولما الدكتورة احتدت عليه. يا استاذ الاول نطمن عليها خلفة ايه وقر.ف ايه اللى بتفكر فيه المهم انها تقوم بالسلامة للاسف يا ماما لا رحم تعبي ولا دموعي بالعكس فضل يكسر فيا كل يوم عن اللى قبله والدكتورة تنبه الحالة النفسية مهمة علشان تقدر تمر من الازمة دى لكن اجيب منين الراحة الحاجة الوحيدة اللى مخلياني متمسكة بحياتى بناتى لانى عارفة انى لو مت هما هيضيعوا بسببه -يا بنتى كفى الله الشر عنك ان شاء الله هتخفى وهتبقى زي الفل -يا ماما الم.وت مش شر الم وت راحة للى زى بس بناتى هيحصل ليهم ايه هو ده اللى وجعنى اذا كان ابوهم هما مش مهمين عنده وكل اللى يهمه دلوقتى انى اسيب له الشقة علشان يتجوز اللى هتجيب له الولد وتلاقيه كمان لقى العروسة ربنا يسامحه على اللى بيعمله فيا اقول ايه ربنا موجود قادر على كل شئ لتنظر لها نعمة بقلة حيلة ماذا تقول وابنها للاسف لن يستمع اليها او الى اي شخص وخصوصا وانه من فترة وهى تلاحظ عليه التغير فعلا وكانت تشك ان بينه وبين تلك المدعوة دلال شئ ما فهى امرأة لعوب تقطن بالحارة لكنها كانت تكذب نفسها ان يفعل ابنها ذلك او انت يقع في شباك تلك المرأة ولكن يبدوا ان ما شكت به حقيقى لتحدث آيه بقلق -طب يا بنتى هتعملى ايه -ولا حاجة يا ماما هريحه منى ومن بناتى وهخدهم وهمشي ببت ابويا اولى بيا -وهتسيبى بيتك وبيت بناتك انتى وهما اللى احق بالشقة دى وهو لو مش عجبه يطلع برة -يا ماما انا مش عايزة مشاكل انا عايزة ارتاح ورحتى هتكون فى بيت ابويا لتحاول ان تثنيها عن ما تريد ان تفعله -طب يا بنتى تعالى انتى والبنات عندى كام يوم ريحى اعص*ابك وانا اتكلم معاه -خلاص يا ماما ابنك باع وباع بالجامد اوى مش هينفع اتمسك بواحد بعنى انا وبناته انا هلم شوية حاجات ولما اروح لبابا اشوف هنعمل ايه لتصمت نعمة وبداخلها تدعو ان يصلح لهم الحال ويبعد عن ابنها تلك الافكار
لبارت الثانى ********* بمنزل عبد المحسن وبعد حضور ابنته وابنتاها وانهيارها وهى تحكى ما فعله زوجها بها لم يستطع عبد المحسن التحمل وخصوصا وهو يرى ابنته بهذا الشكل ليتركهم لكى ينزل الى ذلك المدعو مجدى لكن آية اوقفت ابيها وهى ترجوه -بالله عليك يا بابا انا خلاص مش عايزة حاجة ولا عايزة مشاكل انا عايزة ارتاح خلصنى منه انا بجد تعبت لينظر لها والدها بالم على زهرته التى ذبُلت من المرض وغدر زوجها ليرد بالم -حاضر يا بنتى بس مش هسيب لا حقك ولاحق بناتك همت ان تتحدث ليوقفها بتاكيد -لا مش هتنازل يا آية وسبينى انا اتصرف معاه انا امنته عليكى لكن هو مكنش اد الامانة انا هسال استاذ عادل على الاجراءات اللى لازم نعملها علشان اجيب ليكى حقك كده كده انا نازل المكتب على الساعة سابعة -اللى تشوفه يا بابا انا خلاص مش قادرة اعافر وانت اكيد مش هتعمل غير كل خير ليا انا والبنات وكمان استاذ عادل الواحد مش عارف يشكره على ايه ولا ايه هو واستاذ عمر لولا انهم اتدخلوا علشان اعرف اتعالج على نفقة الدولة كان زمانى انتهيت لان مجدى ولا كان هيدفع مليم فى علاجى ماهو شايف انى ميته ميته لتنطق والدتها سريعا وبغض*ب -بعد لشر عليكى يا بنتي ان شاءالله اللى يكرهك -يا ماما انا بقول الحقيقة هو من يوم ما عرف من الدكتورة ان عندى ورم خبيث فى الرحم وهو نفسه يخلص منى النهاردة قبل بكرة وقالها صرحتا احنا مش اد مصاريف علاج المرض ده ليعقب والدها بعرفان -والله ربنا يكرمه استاذ عمر لولا انه بعتنا لدكتور ايهاب عديله و هو اللى جاب الموافقة وتابع معانا حالتك عنده فى عيادته والله بدعى له على طول ده استاذ عمر والله نعم الناس ربنا يفرحه باولاده ويصبر قلبه على فراق مدام سما -فعلا يا بابا دى كانت ست مفيش زيها ربنا يرحمها انا فكرة لما كنت حامل فى آسيا هى كانت حامل فى ملك وكانت بتجيب لآسيا فساتين ولبس زى ملك انا كنت بحبها اوى -والله يا بنتى محدش عرفها الا وحبها كلنا اتصدمنا لما ما*تت ربنا يرحمها متعزش على اللى خلقها -الله يرحمها -طيب يا بنتي نامى وارتاحى والبنات امك هتاخد بالها منهم وان شاء الله لم ارجع باليل اشوف هنعمل ايه -ان شاء الله يا بابا لينصرفوا جميعا من غرفة آية ويتركوها وحدها تعانى من غدر زوجها والايام ثم تستغفر ربها وتحمده على ما اعطى فهى لديها يقين ان ما حدث لها له حكمة لا يعلمها الا الله وحده فنطقت “وعسى ان تكرهوا شيئا وهو خيرا لكم ” ثم ذهبت فى النوم لاول مرة منذ فترة تشعر بالراحة لتنام قريرة العين ************************************ بمنزل نعمة والدة مجدى بعد ان حدثته واصرت عليه ان ياتى اليها بالمنزل لتتحدث معه فى امرا هام لقد شك ان تكون آيه قد اخبرت والدته ما دار بينهم لذلك حاول ان يتهرب من الحضور لانه ليس لديه من الجرئه ان يخبر والدته على ما ينتوى خصوصا وهو يعلم مدى حب والدته لآية فهى تعتبرها ابنتها التى لم تنجبها -بتهرب ليه يابن بطنى وراك ايه مخليك مش عايز تزور امك اللى ملهاش غيرك -مفيش حاجة يا امى بجد بس كان ورايا شغل مهم فى الورشة واستنيت حد يجى يخلى باله منها ويكمل -وياترى الشغل ده شغل بحق ولا تلكيك -ايه يا امي اللى بتقوليه ده وانا اتلكك ليه -تتلكك علشان مش عايز توجهنى لانى عارفك وفهماك اوى يا مجدى -يوه يا امى ايه الالغاز اللى بتتكلمى بيها دى بقى -ولا الغاز ولا حاجة انا عايزة اعرف انت ناوى على ايه وايه اللى ان قولته لمراتك ده -اه الهانم جت جرى تشتكى -لا يابن بطنى دى لا جت ولا اشتكت -امال عرفتى منين وبعدين ده حقى -كنت رايحة ازورها لقيتها يا حبة عينى مفطورة من العيط صعبان عليها منك اوى هانت عليك آية يا مجدى -ايه يا مى انا حقى ان يبقى ليا ولد وهى خلاص مبقتش ليها اي فرصة للخلفة وبعدين يعنى اعمل ايه اتقطع يعنى ميبقاش ليا وريث -حرام عليك يابنى توجع مراتك كده ايه كرهتها خلاص نسيت حبك ليها عايز تسبها فى وقت ازمتها -مين قال انى هسيبها هتفضل على ذميتى واهى تيجي تقعد عندك هى والبنات وانا اتجوز فى شقتى -يا سلام عندك لكل مشكلة حل اهو يابن بطنى وآية بقى هترضى تفضل على ذمتك بعد ما تتجوز عليها -وايه يعنى وهى يعنى هتعمل ايه بالطلاق -آية حلوة وجميلة واكيد ربنا هيعوضها غدرك ليضحك باستهزاء -مين يعوض مين يا امى آية عيانة بمرض ممكن تمـ,ـوت منه وبعدين مين هيبص لوحدة عيانة ومرضانة وكمان مفيش منها رجا فى الخلافة دى تحمد ربنا انى هخليها على ذمتى اهو اصرف عليها وعلى عيالها -يا سلام يا مجدى وانت كانت تملك علم الغيب وتعرف مين هيمـ,ـوت وامتى وبعدين الحمد لله آية ماشية فى العلاج والدكتورة بطمنا ما انت لا بتيجى معانا ولا بتسال عن حالها ولا بتعرف نتيجة العلاج ايه -يوه يا امى آية آية فى ايه هى بنتك ولا انا اللى ابنك -انتم الاتنين غالين عليا انتم الاتنين ولادى -انتى مش عايزة تفرحى بابن لابنك مش عايزة تشوفى ابنك فرحان ومتهنى -بقولك ايه يا مجدى الكلام اللى انت عمال تهرى فيه من الصبح وانا بعدى لا هو كلامك ولا تفكيرك بس عايز اعرف اخرك ايه يا بن بطنى -اخري انى هتجوز واعيش انا مش هضيع عمرى ووقتى انا راجل وليا احتياجاتى -وطبعا احتياجاتك دى مش هتلقيها مع آية لكن هتلقيها مع دلال صح يا مجدى لينظر الى والدته بذهول كيف عرفت بموضوع دلال -انتى بتقولى ايه يا امى -بقول الحقيقة واللى كل الناس بتتكلم بيه من وراك ما كلامك ده واسلوبك وقوة قلبك على آية حب عمرك مش من فراغ اكيد بسبب حد وحد عارف كويس ازى يخليك تمشي على هواه واكيد مش هيكون غير واحدة زى دلال بقى بعد بنت الاصول اللى الكل بيحلف بادبها واخلاقها تبص لدلال اقول ايه ربنا يعينك على نفسك مهما رفضت واتكلمت معاك طبعك زى ابوك عندى ورايك من دماغك حتى لو غلط -يا امي ملها دلال ما زى الفل جميلة ويمكن ربنا يرزقنى منها الولد -انا مش هتكلم خلص الكلام معاك بس يا رب متندمش بعد فوات الاوان اتفضل لو عايز تمشي مع السلامة واه مراتك وعيالك ميشيوا من البيت راحوا لابوها شوف بقى عمك عبد المحسن هيعمل ايه انتاب مجدي القلق من ردت فعل عبد المحسن هل سيقف بدون ان يتدخل ام سيصر على طلق آية منه هو لا يريد ان يطلقه فهو يحبها لكن بعدها عنه بسبب مرضها جعله فريسة سهلة لدلال تلك الفتاة اللعوب التى لم تدخر جهدا لايقاعه فى شباكها ولان مجدى انسان ضعيف اما احتياجاته استطاعت ان تسيطر على تفكيره وحببت اليه ان يتزوجها ************************************* بمكتب الاستاذ عادل الجيزاوى يجلس عبد المحسن معه ومع ابنه عمر يقص عليهم ما حدث وياخذ منهم النصيحة لكى لا يضيع حق ابنته ليصرح عادل -فكر كويس يا عبده خراب البيوت مش بالساهل -والله يا استاذ عادل عارف بس انا خايف على بنتى آية لو فضلت فى القهر ده ممكن تروح فيها انا شايفها كل يوم بتدبل من المرض والقهر هفرح انا ببيت اساسه ادمر خلاص مبقاش فى امان انا عارف بنتى بنتى لو روحها فى مجدى بعد اللى عمله وبيعمله خلاص مش هتقدر تكمل معاه حتى لو رجع عن اللى فى باله ليتحدث عمر بعد تركيز فى كلام عبد المحسن وصمت طويل -انا فهمك يا عم عبده وعارف اللى آية حاسه بيه ربنا يقومها بالسلامة علشان حبايبها وانا اللى هتصرف واجيب لها حقها آية زى اختى الصغيرة وكانت غالية اوى على سما الله يرحمها -ربنا يكرمك يا بنى ويجبر بخاطرك ده العشم بردوا -بص يا عم عبده انت قابل الاستاذ مجدى واتكلم معاه وقول له طلباتك انكم عايزين تخرجوا بالمعروف ولو وقف ورفض انا هتدخل بشكل ودى الاول و ولو مفيش مفر هدخل قانونى بس الاول اتكلم مع آيه شوفها عايزة ايه وعايزه توصل معاه لفين يعنى عايزة شقتها بعفشها ولا عايزة ايه منه بالضبط -انا عارف بنتى يا بنى هى مش عايزة غير الطلاق ويتنازل عن حضانة بناتها ولا عايزة شقة ولا عفش ولا اي حاجة لكن انا عايز حقها وحق عيالها -كده كده القانون ممكن يجيب لها حقها لانه مضمون مفيش كلام بس الموضوع ده هيطول فى المحاكم -لا بالله عليك احنا عايزين نخلص انا هكلمه بالحسنة لو اعترض بقى وهلاقيه مش عايز يديها حقها مش هستنى لما يكون السبب فى مـ,ـوتها من القهر هنتنازل وعوضنا على الله المهم انها تكون مرتاحة -طب كده كويس اوى ان يكون عندنا حل تانى وخصوصا واحد زى مجدى مش عايز يخسر ولا يدفع فلوس واكيد هيوافق لو عرف انها هتتنازل بس هي عايزة تعمل ايه بعد كده البنات عايزة مصاريف ورعاية هتقدر عليها -ربنا يقدرنى يابنى انا عايز اريحها طول ما هى كده حالته هتتعب ولا كاننا عملنا حاجة -خلاص يا عم عبده كلمه النهاردة وبهدوء وربنا يعمل اللي فيه الخير ليتحدث عادل اخير -وبعدين يا عبده انا معاك وفى ضهرك انت وآية لو احتاجت حاجة انا وراها دى غالية عندى وبعتبرها زى بنتى بالضبط وربنا يعمل لها اللى فيه الخير -عارف يا استاذنا والله وهى كمان بتعزكم ودايما تدعى لكم لولا وقفتكم جنبها كانت راحت مننا ربنا يشفيها مش عايز من الدنيا الا انها ترجع تانى الوردة المفتحة اللى النظرة فى وشها بالدنيا وما فيها. -ان شاء الله يا عبده ربنا هيفرح قلبك بشفاها ياما ناس فى حالتها واسوء وربنا شفاهم وبعدين انا بطمن من دكتور ايهاب على حالتها ودايما بيقول ان فيه تحسن الحمد لله وانها قربت تخلص الجلسات تقريبا فاضل جلسة اواتنين -اه يا استاذنا فاضل جلسة والحمد لله بس دايما الدكتور ينبه علينا حالتها النفسية لازم ناخد بالنا منها وهو جوزها الله يسامحه بدل ما يرعى كده جاي على اخر جلسه ويدمرها ليرد عمر بتأثر -متخفش يا عم عبده ربنا معاها وانتم كمان وكلنا مهم عندنا انها تقوم بالسلامة وان شاء الله المشكلة دى تعدى وتكمل علاجها على خير ************************************ بعد رجوع عبد المحسن من المكتب يمر على مجدى بالورشة ليجده يجلس ويتحدث فى التليفون وبمجرد دخوله عليه يرتبك وينهى مكالمته على الفور -يا اهلا يا عمى اتفضل نورت الورشة -اهلا يا مجدى انا جاى اتكلم معاك علشان نحط النقط على الحروف تحب نتكلم هنا ولا عند الست الولدة -اتفضل يا عمى محدش موجود انا كنت خلاص بقفل علشان طالع البيت -طيب يا مجدى دلوقتى انا جاى علشان زى ما دخلنا بالمعروف نخرج بالمعروف وبنتى عايزة تطلق -يا عمى طلاق ايه وخراب بيوت ليه -والله يا مجدى خراب البيوت انت اللى عملته لا احنا ولا آية وافتكر انك خلاص لقيت لك عروسة مدام عايز الشقة بس خلى فى علمك ان آيه ليها حقوق ولازم تخدها هي وبناتها -يا عمى انا مش عايز اطلق انا عايز انفذ شرع الله آية مش هتقدر تخلف ليا الولد اللى عايزه وانا من حقى اتجوز مش بعمل حاجة حرام -حقك يا مجدى مفيش كلام بس كمان من حقها انها ترفض تكمل ومن حقها تاخد كل حقوقها الشقة بالعفش لانها حاضنة وكل حقوقها المادية -وانا مش هطلق واعلى ما فى خيلها تركبه -يعنى ايه يا ابن الناس عايز تعمل فيها ايه تانى خلاص انا هرفع عليك قضية طلاق -يحينا ويحيك ربنا المحاكم حبالها طويلة -ده اخر ما عندك يا مجدى -اه يا عمى انا مش عايز اطلق آية -هنشوف يا مجدى لينصرف وهو فى غاية الغض*ب من ذلك الذى كان يعتبره ابنه ليظهر وجهه القبيح اليه ليقوم بعد انصراف والد آيه باجراء مكالمة مع دلال -ايوة يا حبيبتى فعلا ابو آية كان جاى علشان تطلق -طب خلاص طلقها وانت عايز منها ايه -لا يا دلال انا مش عايز اطلقها مهما ان كان دى ام بناتى وبردوا انا مش بكرهها لترد بغيظ -خلاص ياخويا مدام لسه بتحبها عايز منى ايه ليتدرك حديثه فهو لا يريد خسارة الاثنتين -ما هو عايز يطلقها وياخد كل حقوقها والشقة وكل حاجة لترد عليه بخـ . بث -اه علشان كده طب خلاص حط شرط الطلاق ادام التنازل عن كل حقوقها وافتكر انها هتوافق انا عارفة آية كويس كرمتها اهم من اى حاجة -يا سلام اطلقها والعيال اعمل بيهم ايه افرض قالت مش عايزاهم ولا عايزة تتجوز كان ينطق هذه الكلما*ت وهو بداخله يتقطع من فكرة ان تكون لغيره -تتجوز ايه بس يا مجدي ومين اللى هيتجوز واحدة عيانة بالمرض ده لا وكمان مش هتخلف مين اللى هيرضى بيها ليفكر قليلا فى كلامها فعلا مين اللى هيرضى يتجوزها ليحدث نفسه -خلاص انا ممكن فعلا اطلقها اهى اكون عملت اللى هى عايزاه كم شهر كده تكون هديت واردها مهما ان كان انا لسه بحبها بس تعبها وانه مش هتعرف تخلف هو اللى خلانى افكر اتجوز -مجدى مجدى روحت فين يا حبيبي -معاكى يا دلال خلاص انا هعمل زى ما قولتى ونشوف هنوصل لفين وبالفعل بعد اسبوع كان مجدى يطلق آية بحضور الاستاذ عادل وعمر وبالفعل تنازلت عن كافة حقوقها وهو تنازل عن حضانة البنات لها وتم الطلاق اما نعمة فهى كانت تتحسر على خسارة ابنها لتلك الزوجة الرائعة فهو للاسف اضاع من يده جوهرة ثمينة من اجل حفنة تراب لكنه القدر والنصيب