نزلت من الميكروباص
الحلقة الاولي
نزلت من الميكروباص بسرعه ودخلت المستشفي سريعا علشان اتاخرت كتير علي شغلي . الساعة كانت قربت من ١١ ونص بالليل يعني اتاخرت نص ساعة علي ميعاد استلام الشفت بتاعي في المستشفي . اول ما دخلت لقيت مروة زميلتي بتقولي : اي التأخير ده كله ؟!! ده نيفين فضلت مستنياكي بعد ميعاد الشفت بتاعها بربع ساعة !! و مشيت لما خافت انها متلحقش المواصلات علشان تعرف تروح بيتها . قولتلها : معلش يا مروة هبقي اتأسفلها بكرة لما اقابلها ، اتأخرت غ.صب عني . دخلت غرفة الممرضات وغيرت هدومي ولبست اليونيفورم واستلمت شغلي . وبعد ما عدا كام ساعة كانت الساعة ٣ قبل الفجر بأقل من ساعة كان الشغل هادي خالص . كتت قاعدة برتاح علي الكرسي وبعدين سمعت صوت دكتور معتز بيناديني : هالة …يا هالة …. قومت وقفت قدام باب حجرة الدكتور معتز وخبطت علي الباب لكنه مش رد عليا . المهم اني فتحت اوكرة الباب بالراحة … وانا بفتح الباب بالراحة شوفت مروة زميلتي نايمة وكان دكتور معتز معاها … مع بعض ومتغطيين بملاية خفيفة !!! وقفت مش عارفة اعمل اية !! خصوصا انهم بسبب اندماجهم الشديد مفيش حد منهم حس بيا لما فتحت الباب !! قفلت الباب بالراحة من غير ما يحسوا بيا . قعدت افكر هو دكتور معتز ليه كان بيناديني وهو بيعمل معاها كده ؟؟؟ طب هي لما سمعته بيناديني ازاي وافقت اني اشوفها في الوضع ده ؟!! طب لما هو ناداني وانا فتحت الباب ازاي مش اخدوا بالهم مني رغم ان المفروض انهم كانوا منتظريني ؟؟ حقيقي مش قادرة افهم حاجه . وقبل كل ده مروة ليه تعمل كده معاه ؟؟!! الف سؤال وسؤال كان بيدو في تفكيري . حسيت ان جسمي سخن اوي لما قعدت وافتكرت تعبيرات وش مروة اثناء ما الدكتور كان معاها .خصوصا ان من وقت ما اطلقت من سنتين وانا رافضة اي علا.قة مع اي راجل . قولت في نفسي ادخل اخد شاور علشان جسمي يهدا شوية .
فعلا دخلت الحمام وقلعت اليونيفورم بتاعي وملابسي الداخلية ووقفت اخدت شاور . وبعد ثواني الميه قطعت وكان الصابون في عنيا ومش عارفة افتح عينيا .وبعد شوية الميه رجعت تاني لكن كانت سخنة اوي بتغلي لدرجة ان جسمي كان هيتحــر . ــق رغم اني مش شغلت سخان الميه !!! ظبت الميه وبعدها بثواني النور اطفي !!! قولت في نفسي يمكن حد من زميلاتي بتهزر معايا وطفت النور !! قولت بصوت عالي : بطلي هزار يا رخمة خليني اخلص واخرج .
لكن مفيش حد رد عليا …وحسيت بهواء بارد اوي بيلمس جسمي !!!!! ساعتها جسمي اتر.عش وحسيت اني خا.يفة بجد . قولت في سري اعوذ بالله من الشيطا.ن الرجيم . بعدها الحمد لله النور رجع علطول !! وبعد ما خلصت لفيت علشان البس هدومي تاني ولكن المفاجأة اني مش لقيت ملابسي الداخلية !! طب ازاي ؟!! راحت فين ؟؟ دي كانت لسه هنا !! ومفيش حد دخل هنا ولا حد فتح الباب . حاولت ادور عليها في الحمام ولكن مفيش فايدة !! وفي الاخر لبست اليونيفورم علي اللحم وخرجت وانا في قمة الاندهاش !! خرجت وقعدت قدام باب حجرة دكتور معتز واستنيت انه يخرج او مروة تخرج . وفعلا بعد دقايق خرج دكتور معتز ولقيته بيبص لي نظرة غريبة اوي !!! سألته : هو حضرتك يا دكتور ناديت عليا ؟ رد وقالي : لا ابدا ..امتي ده ؟؟ قولتله : من اكتر من ربع ساعة . قالي : لا ابدا . وراح باعتني اجيب حاجه من مكان بعيد عنه علشان يقدر يخرج مروة من جوه !! روحت ورجعت لقيت مروة قاعده .سألتها كانت فين علشان اشوفها هاقولي ايه ، لقيتها بتقولي انها كانت تعبانه وحاسة بصداع ودخلت نامت نص ساعة ، وحاولت تتظاهر قدامي بالنعاس . بعد كده مريت علي المرضي علشان اعطيهم الادوية والحقن واباشر حالاتهم . المشكلة اني وانا ماشية كنت حاسة كأني عر.يانه لأني مش لابسه ملابسي الداخلية .وبفكر يا تري راحت فين ؟ وازاي اختفت بالشكل ده زي ما يكون عفر.يت اخدهم !! وقفت شوية قدام كلمة عفر.يت وقولت لنفسي ..معقول فعلا يكون عفر.يت اللي اخدهم ؟ وهو في حاجة اسمها عفريت. بجد زي ما بيقولوا ؟ خلصت مروري علي المرضي ورجعت وانا لسه بفكر في هدومي اللي مش عارفه راحت فين .وفي اللي شوفته بين دكتور معتز ومروة . قولت في نفسي اجس نبض مروة بالكلام بطريقة ما …. سألتها : ايه رايك يا مروة في دكتور معتز ؟ مروة استغربت السؤال اوي وظهر عليها الاندهاش : رأيي فيه من ناحية اية بالظبط يا هالة ؟ قولتلها : من ناحية كل حاجة ؟ ردت عليا : سؤالك غريب اوي ومش واضح يا هالة ، قوليلي من ناحية اية بالظبط علشان اعرف اجاوبك . قولتلها : رايك فيه كراجل ، يعني اخلاقه ، سلوبه ، تصرفاته . ضحكت وقالتلي : ليه يعني ؟ هو اتقدم علشان يتجوزك ولا ايه ؟ قولتلها : مش للدرجة دي .بس هو بيلمح باعجابه بيا الايام دي . مروة : بتتكلمي جد ؟ رديت وقولتلها : ايوه . مروة بعد الكلام ده مش ظهر عليها اي تغيير .وده زود اندهاشي اكتر لان كنت متوقعه انها هتتضايق ويبان عليها الز.عل ولو بنسبة بسيطة . خلصت الشفت بتاعي ودخلت غيرت هدومي ولبست بردو هدومي بدون ملابس دا.خلية واخدت شنطتي ومشيت . اغرب شئ فعلا حصل في الليلة دي كان بعد ما روحت البيت !!!!!! لان لما فتحت شنطتي في البيت شفت ملابسي الداخلية فيها !!!!!!!!
طبعا بقيت مذهولة ولكن من التعب كنت لازم انام . شوفت نفسي نازلة من المستشفي علي السلم والغريب اني فضلت نازلة سلالم كتير اوي اضعاف اضعاف سلالم المستشفي !!! لما حسيت ان السلالم اللي نزلتها كتير اوي قولت يبقي لازم اطلع .وفعلا بدأت ارجع واطلع لفوق لكن العجيب اوي اني بعد ما طلعت درجتين مش لقيت السلالم اللي كنت نازلة منها ولقيت حيطة قافلة المكان . مفيش قدامي الا اني انزل باقي السلالم لما اشوف اخرتها اي !! نزلت لحد ما لقيت نفسي في مكان زي ما يكون نفق صرف صحي تحت الارض . استغربت ايه اللي جابني المكان ده ؟!! حاولت ادور علي اي طريق اخرج منه من المكان ده . واثناء وانا بحاول الاقي مخرج من المكان ده لقيت كلـ. .ب ضخم جدا مربو.ط بسلسلة وبيحاول يفك السلسلة دي علشان يه.جم عليا . كنت خا.يفه اوي انه يفك نفسه ويهجم. عليا .. وفعلا الكلـ. .ب الشــ . ــرس ده اتفك وجري ورايا !!!!!
جريت وانا مذ.عورة مش عارفه اروح فين لحد ما لقيت باب مقفول . فتحت الباب وخرجت وجريت علي باب المستشفي علشان اخرج منه . لكني لقيت مروة زميلتي واقفة عند الباب وشعرها منعكش جدا وبتضحك وبتقولي عاوزة تخرجي ليه ؟ خليكي معانا شوية . ولسه هرد عليها لقيتها خرجت سك.ين كبيرة جدا وبتجري ورايا وعاوزة تضر.بني بيها . حاولت اجري منها لكن باب المستشفي كان مقفول .رجعت وجريت علي جوه تاني ومروة بتجري ورابا وشعرها منعكش جدا وفي ايديها السك.ين . لكن مروة لحقتني ومسكتني وكانت هتضر.بني لكن مسكت ايديها اللي فيها السك.ين وحاولت اخدها منها لكن ……… وانا ماسكه ايديها وبشدها منها اتفاجأت ان ايديها اتخل.عت من دراعها . مروة فضلت تعيط جامد وبعدين وقعت علي الارض . ولقيت دكتور معتز جاي بيجري وبيقولي عملتي ليه فيها كده حر.ام عليكي .وكان ماسك ايدي جامد جدا لدرجة ان ايدي و.جعتني اوي .وبعدين ضر.بني علي دماغي فوقعت علي الارض . وبعدين معتز اخد السك.ين اللي في الارض وجاي يه.جم عليا علشان يضر.بني بيها ولكن …..الحمد لله صحيت من النوم . حلم ف.ظيع كنت همو.ت من الر.عب وانا فيه والحمد لله اني صحيت منه . اول ما صحيت من النوم حمدت ربنا وبعدين حسيت ان ايدي بتو.جعني .ولما بصيت علي ايدي لقيت عليها اثر صوابع زرقاء !!!!!! معقول !!! ده نفس المكان اللي كان دكتور معتز ماسكه في الحلم وو.جعني. معقول !!! هو ده كان حلم ولا حقيقة ؟؟ هو اي اللي بيحصلي ده من البارح ؟؟ اول مرة تحصلي حاجات غريبة بالشكل ده ومش قادرة افهمها . بقلم / عادل عبد الله وانا قاعدة بتغدا مع امي سألتني سرحانه في ايه ؟ فكرت اقولها ولا لاء علي اللي بيحصلي من بليل … وفي الاخر حكيتلها لكن خوفت اقولها ان هدومي الداخلية مكتتش لاقياها ومش لقيتها الا لما رجعت البيت . امي قالتلي حافظي علي الصلاة وقراءة القران الكريم علشان ربنا يحفظك . وفعلا فضلت يومين كنت محافظة علي الصلاة والقران وفعلا محصلش معايا حاجات غريبة فيهم . لكن اللي شوفته بين مروة زميلتي ودكتور معتز فضل شاغل تفكيري .وفضلت متابعاهم علشان اظبطهم في الوضع ده تاني . لكن الغريب ان ده محصلش تاني وكانت المعاملة بينهم طبيعية جدا جدا ولا كأن في حاجة بينهم لدرجة اني شكيت ان اللي انا شوفته ده محصلش وانه من ضمن الحاجات الغريبة اللي حصلت معايا في اليوم ده !!! في اليوم التالت صحيت من النوم وروحت عملت كام مشوار قبل ميعاد الشغل وللاسف نسيت اصلي واقرأ قران لان بصراحه مش متعودة من زمان للاسف . في الليلة دي بعد ما عديت علي المرضي بتوعي اللي بتابعهم واعطيتهم الادوية والحقن اللازمة ورجعت قعدت استريح . حسيت بصداع جامد .دخلت حجرة الممرضات اللي بغير فيها هدومي وقولت استريح فيها شوية . ولسه بقعد وحطيت راسي علي ايديا وغمضت عنيا سمعت حد بيخبط علي الباب .استغربت جدا وفتحت عنيا وقولت ادخل .لكن مفيش حد دخل . قومت فتحت الباب مش لقيت حد .رجعت قعدت تاني وبعدين لقيت ايد بتمسكني من رجلي .